Alta

Frå Wikipedia – det frie oppslagsverket
Hopp til navigering Hopp til søk
Alta
By
Alta Zentrum.jpg
Land Flag of Norway.svg Noreg
Fylke Finnmark
Kommune Alta
Areal 9,23 km²
Folketal 15 094 (2017)
Folketettleik 1 635 / km²
Postnummer 9501
Innbyggjarnamn altaværing
Preposisjon i Alta
Wikimedia Commons: Alta (town)

Alta er ein by og administrasjonssenteret i Alta kommune. Han har litt over 15 000 innbyggjarar, og er den største byen i Finnmark.[1] Byen femner Bossekop, Bukta, Elvebakken, Midtbakken og Sentrum, som er vaksne saman til ein langstrekt tettstad. Dei blei innlemma i Alta då tettstaden fekk bystatus i 2000.[2]

Kultur og utdanning[endre | endre wikiteksten]

I Alta sentrum ligg Storsteinen, med 600 helleristingar frå Komsakulturen (3500-1500 fvt.). Nordlyskatedralen blei vigsla 10. februar 2013.[2]

Nordlysbadet har eit konkurransebasseng på 25 meter. Finnmarkshallen er ein fleirbrukshall frå 1996.[2]

Avisa Altaposten kjem ut i byen.

Alta er det viktigaste skulesenteret i Finnmark, med mellom anna vidaregåande skule og folkehøgskule. Noregs arktiske universitet har ei avdeling i Alta, Campus Alta, som utdannar ingeniørar og lærarar.[3]

Aronnesrocken er ein årleg rockefestival på Aronnes.[2] Finnmarksløpet blir halde årleg med start og mål i Alta sentrum.[2] Sykkelrittet Arctic Race of Norway 2014 hadde målgang for 2. etappe og start for 3. etappe i Alta sentrum. Arctic Race of Norway 2018 blei avslutta i Alta med ein etappe frå Kvalsund.[2]

Næringsliv[endre | endre wikiteksten]

Mykje av industrien i kommunen er konsentrert i og kring tettstaden. Her finn ein fleire trevarefabrikkar og sagbruk, betongvarefabrikk,skiferbrudd, handelsgartneri, meieri og maritim sørvis.[2] Mange innbyggjarar pendler med båt til Stjernøya i Altafjorden, der det er gruvedrift. Ein henter ut mineralet nefelinsyenitt frå fjellet Nabbaren.[4]

Transport[endre | endre wikiteksten]

Lufthamna i byen ligg attmed Vestre Elvebakken.

Kjelder[endre | endre wikiteksten]

  1. «Tettsteders befolkning og areal», ssb.no (på norsk), 3. desember 2018, henta 9. mai 2019 
  2. 2,0 2,1 2,2 2,3 2,4 2,5 2,6 Askheim, Svein (6. august 2018). «Alta – by». Store norske leksikon (på norsk). 
  3. Ole Magnus Rapp (16. april 2019). «Klarsynt i Alta». Klassekampen. s. 8. 
  4. Ole Magnus Rapp (2. september 2017). «Det ettertraktede mineralet nefelinsyenitt hentes fra fjellet Nabbaren i Finnmark: Gruva som er gull verdt». Klassekampen. s. 16.