Chopok
| Chopok | |||
| fjell | |||
 Chopok peak med hytta Kamenná chata til høgre
| |||
| Land |  Slovakia
| ||
|---|---|---|---|
| Fjellkjede | Låge Tatra | ||
| Høgd | 2 024 moh. | ||
| Lettast tilkomst | til fots | ||
| Koordinatar | Koordinatar: | ||
 Chopok | |||
| Wikimedia Commons: Chopok | |||
Chopok er det nest høgaste fjellet i Låge Tatra (etter nabofjellet Ďumbier) med ei høgd på 2024 moh i det sentrale Slovakia. Frå toppen er det panoramautsikt mot Høge Tatra, Liptov og Hrondalen. Det ligg ei hytte kalla Kamenná chata nær toppen.
Tilkomst[endre | endre wikiteksten]
Chopok ligg langs vandringsruta E8 mellom toppane Ďumbier og Dereše. I tillegg til denne aust-vest-stien, kan ein nå fjellet på stiar frå både nord (Demänovská dolina-dalen) og sør (Trangoška og Srdiečko). Eit stykke oppover går det stolheis til Chopok úboč (1834 moh) på nordsida og Kosodrevina (1494 moh) på sørsida.
Klima[endre | endre wikiteksten]
Middeltemperaturen er -1 °C og den høgaste registrerte temperaturen 18 °C og den lågaste registrerte er -27 °C.[1] Middeltemperaturen i januar er -8 °C og i juli 6 °C. Chopok er den mest vindfulle vêrstasjonen i Slovakia.
Skisport[endre | endre wikiteksten]
Det finst skiløyper på både nord- og sørsida av fjellet. Det ligg tre skiområde på nordsida med totalt 21 km med skiløyper, ei kabelvogn, fire stolheisar og ni skiheisar.[2] På sørsida finst det to stolheisar og fire skiheisar. Fjellet er populært for frikøyring.[3] I tillegg ligg Jasná skisenter på nordsida av Chopok og Srdiečko og Tále på sørsida.
Kjelder[endre | endre wikiteksten]
- Denne artikkelen bygger på «Chopok» frå Wikipedia på engelsk, den 26. mars 2009.
- Wikipedia på engelsk oppgav desse kjeldene: