Crawley
| Crawley | |||
| by | |||
 | |||
| Motto: I Grow and I Rejoice – «Eg veks og eg frydar meg» | |||
| Land |  England | ||
|---|---|---|---|
| Region | West Sussex | ||
| Distrikt | Crawley | ||
| Areal | 44,96 km² | ||
| Folketal | 106 597 (2011) | ||
| Grunnlagd | 400-talet | ||
| Postnummer | RH6 og RH10-11 | ||
| Retningsnummer | 01293 | ||
 Crawley 51°06′57″N 0°11′37″W / 51.1157°N 0.1937°W | |||
| Wikimedia Commons: Crawley | |||
Crawley er ein by og eit administrativt distrikt i West Sussex, England. Han ligg ved grensa til Surrey. Byen er ikkje inndelt i mindre einingar som kretsar eller verdslege sokn.
Byen nådde eit folketal på noko under 10 000 før andre verdskrigen, ein vekst som for det meste skulda nærleiken til hovudvegen mellom London og Brighton, som i dag er M23 / A23. I 1950- og 1960-åra byrja han å vekse kraftig, etter at han i 1947 hadde vorte klassifisert som ein New Town, ein by som skulle byggjast opp for å avlaste storbyane i nærleiken, spesielt London. Folketalet nådde i løpet av 1960-åra 60 000, og han har halde fram å vekse. Under økonomiske oppgangstider i 1980-åra hadde byen det lågaste arbeidsløysenivået i Storbritannia.
 |
Bydelar
[endre | endre wikiteksten]Crawley er inndelt i 13 bydelar, som ikkje har noka administrativ rolle.
- Bewbush
- Broadfield
- Furnace Green
- Gossops Green
- Ifield
- Langley Green
- Maidenbower
- Northgate
- Pound Hill
- Southgate
- Three Bridges
- Tilgate
- West Green
Distriktet omfattar òg området Gatwick, der London Gatwick Airport ligg.
Kjelder
[endre | endre wikiteksten]- Denne artikkelen bygger på «Crawley» frå Wikipedia på bokmål, den 10. juli 2011.
