Cupvinnarcupfinalen i fotball 1992

Cupvinnarcupfinalen i fotball 1992 fann stad på Estádio da Luz i Lisboa 6. mai 1992, framfor 16 000 tilskodarar. Werder Bremen vann finalen, den 32. i sitt slag, med siffera 2-0 over AS Monaco.

Kampen

Lagoppstillingane

Klaus Allofs sende Werder opp i leiing 1-0 fem minuttar før pause. Wynton Rufer la på til 2-0 ti minuttar ut i den andre omgangen, fleire mål kom ikkje.

Pietro d'Elia frå Italia dømde kampen.

Laga

Werder Bremen sitt vinnarlag bestod av: Jürgen Rollmann, Thomas Wolter, Rune Bratseth, Ulrich Borowka, Manfred Bockenfeld, Dieter Eilts, Frank Neubarth, Miroslav Votava, Marco Bode, Wynton Rufer og Klaus Allofs.

Monaco mønstra mannskapet: Jean-Luc Ettori (kaptein), Roger Mendy, Luc Sonor, Emmanuel Petit, Patrick Valéry, Jérôme Gnako, Marcel Dib, Rui Barros, Gérald Passi, Youssouf Fofana og George Weah. Benjamin Clément og Youri Djorkaeff vart bytta inn etter 60. og 63. minuttar, ut gjekk Fofana og Petit.

Kjelder

• Denne artikkelen bygger på «1992 European Cup Winners' Cup Final» frå Wikipedia på engelsk, den 8. mai 2018.