Klaus Allofs

Frå Wikipedia – det frie oppslagsverket
Hopp til navigering Hopp til søk
Klaus Allofs
Klaus Allofs - SV Werder Bremen (2).jpg
Fødd 5. desember 1956
Düsseldorf
Yrke fotballspelar, fotballtrenar
Klaus Allofs på Commons

Klaus Allofs (fødd 5. desember 1956) er ein tysk tidlegare fotballspelar frå Düsseldorf som vart europameister med Vest-Tyskland i 1980. Angrepsspelaren var aktiv i fleire klubblag, både Fortuna Düsseldorf, FC Köln, Werder Bremen, Olympique Marseille og Girondins Bordeaux. Han vann i 1992 cupvinnarcupen med Werder Bremen, og fekk elles med seg nasjonale cup- og seriemeistertitlar både i heimlandet og i Frankrike.

Klubbspel[endre | endre wikiteksten]

Allofs var profesjonell i Fortuna Düsseldorf frå 1975. Han var toppskårar i Bundesliga sesongen 1978/79. Våren 1979 vann Fortuna den vesttyske cupmeisterskapen og spelte finale i cupvinnarcupen, der det vart tap 3-4 mot FC Barcelona. Året etter vann Fortuna den nasjonale cupen ny. I alle desse tre finalane hadde han med seg broren Thomas Allofs.

Sommaren 1981 fekk Klaus Allofs kontrakt med FC Köln og vart verande i klubben i seks sesongar. Med Köln vart han i 1983 vesttysk cupmeister for tredje gong. Ei part-tre år seinare var han den sentrale spelaren då Köln tok seg til finalen i UEFA-cupen 1986. På dei ni kampane i turneringa skåra Allofs ni mål, men måtte til sist sjå Real Madrid drage av garde med UEFA-pokalen.

Der nest spelte Allofs 1987-89 i Olympique Marseille og sesongen 1989/90 i Girondins Bordeaux. Han avslutta tida i Marseille med å verte både seriemeister og cupmeister. Allofs avslutta si tid som aktiv med tre sesongar i Werder Bremen-drakta. Med laget frå Bremen vart han i 1991 nasjonal cupmeister for fjerde gong. I den etterfylgjande Cupvinnarcupen 1992 tok Werder Bremen seg til finale mot AS Monaco. Allofs skåra det eine av dei to måla som gav Werder sigeren 2-0.

Landslagsspel[endre | endre wikiteksten]

Allofs debuterte på det vesttyske landslaget i 1978. I den kvite landslagstrøya markerte han seg særleg Fotball-EM 1980, der han skåra alle tre måla mot Nederland i ein gruppespelkamp som enda 3-2. Dei tre skåringane gjorde han toppskårar i turneringa. Han fekk ikkje plass i VM-troppa 1982, men var med EM 1984. I VM i fotball 1986 skåra Allofs utlikningsmålet i gruppespelet mot Uruguay og han vart matchvinnar mot Skottland. I straffesparkskytinga under kvartfinalen mot vertslandet Mexico var han ein av eksekutørane som syrgde for vesttysk avansement. Han var mellom dei 11 utvalde i finalen mot Argentina, men vart bytta ut i pausen. Allofs spelte sin 56. og siste landskamp i 1988 og enda med 17 nettkjenningar for Vest-Tyskland.

Merittar[endre | endre wikiteksten]

  • Europameister: 1980 med Vest-Tyskland
  • VM-sølv: 1986 med Vest-Tyskland
  • Vinnar av Cupvinnarcupen: 1992 med Werder Bremen
  • Vinnar av Bundesliga: 1992 med Werder Bremen
  • Vesttysk cupmeister: 1979, 1980 med Fortuna, 1983 med FC Köln, 1991 med Werder
  • Fransk seriemeister: 1989 med Olympique Marseille
  • Fransk cupmeister: 1989 med Olympique Marseille
  • Finalist i Cupvinnarcupen: 1979 med Fortuna Düsseldorf
  • Finalist i UEFA-cupen: 1986 med FC Köln

Kjelder[endre | endre wikiteksten]