Dazhou

Dazhou (gul) i Sichuan

Dazhou (forenkla kinesisk: 达州; tradisjonell kinesisk: 達州; pinyin: Dázhōu) er eit byprefektur heilt nordaust i provinsen Sichuan i Kina, med grense mot provinsen Shaanxi i nord og mot Chongqing i aust. Byprefekturet har eit areal på 16 591 km², folketalet vart i 2007 berekna til 6,63 millionar.

Byprefekturet Dazhou omfattar eitt distrikt (区 qū), eitt byfylke (市 shì) og fem fylke (县 xiàn).

Næring

Dazhou har store gassfelt og mineral-ressursar som salt, kol, mangan, litium og kalkstein. Viktigaste varene frå landbruket er flesk, storfekjøt og te. Kjemisk produksjon, kolkraft, metallurgi, tekstilindustri, byggematerialar er andre viktige næringsgreiner.

Samferdsle

Kinas riksveg 210 går gjennom området. Riksvegen tek til i Baotou i Indre Mongolia, fører gjennom Yan'an, Xi'an, Chongqing, Guiyang og endar opp i Nanning i Guangxi.

Kjelder

• Denne artikkelen bygger på «Dazhou» frå Wikipedia på bokmål, den 9. april 2012.

• Denne artikkelen bygger på «Dazhou» frå Wikipedia på engelsk, den 9. april 2012.