Dei slovakiske malmfjella

	Dei slovakiske malmfjella
Land	Slovakia
	; Dei slovakiske malmfjella; 48°45′ N 20°15′ E
	Wikimedia Commons: Slovak Ore Mountains

Dei slovakiske malmfjella i Slovakia

Slovenské rudohorie eller Dei slovakiske malmfjella er ei stor fjellkjede i Spišregionem i Slovakia og ein del av Karpatane. Ho er den største fjellkjeda i Slovakia og høyrer til Dei indre Vest-Karpatane.

Fjellkjeda grensar til Zvolen i vest, Košice i aust, elvane Hron og Hornád i nord og Juhoslovenská kotlina og Košicebekkenet (Košická kotlina) i sør.

Den høgaste toppen er Stolica på 1476 meter over havet. Fjellkjeda er om lag 140 km lang og 40 km brei og dekkjer eit område på 4000 km². I tidlegare tider var det mange gruver i fjellområda, som namnet viser til, men ingen av desse er i drift i dag.

Inndeling[endre | endre wikiteksten]

Fjella har ikkje ein sentral rygg og består av fleire mindre delar:

Veporfjella (Veporské vrchy)
Spiš-Gemer Karst (Spišsko-gemerský kras)
Stolické vrchy (Stolicafjella)
Revúcka vrchovina (Revúcahøglandet)
Volovské vrchy (Volovecfjella)
Čierna hora (Det svarte fjellet)
Rožňavská kotlina (Rožňavabekkenet)
Slovak Karst (Slovenský kras) og Nord-Borsod Karst (ungarsk: Észak-Borsodi karszt; ligg nord i Ungarn)