Der ingen skulle tru at nokon kunne bu

Frå Wikipedia – det frie oppslagsverket
Gå til: navigering, søk

Der ingen skulle tru at nokon kunne bu er ein populær norsk fjernsynsserie som har gått på NRK1 frå seinhausten 2002. Serien vart også send i reprise på NRK. Programleiar for dokumentarserien er Oddgeir Bruaset, fotograf Tor Sivertstøl, og serien vert produsert av NRK Program riks Ålesund. Fyrste episode vart send 8. desember 2002, og det har kome ut nye sesongar kvart år sidan, bortsett frå i 2006. [1] I 2013 gjekk serien i ellevte sesongen, Oddgeir Bruaset sa då at den tolvte vart hans siste.[2] Då tok sogningen Arve Uglum over. Førebels har serien gått i 15 sesongar. [3]

Konseptet[endre | endre wikiteksten]

Tittelen på serien kjem frå songen «Anne Knutsdotter» av Claus Pavels Riis, der teksten går slik: «Vi bur oppå ein plass der som ingen skulle tru at nokon kunne bu». Før var det mange som levde slik, no er det berre nokre få. Framleis finst det menneske som har slege seg ned milevis utanfor allfarveg – på eit skjer i havet, på ei fjellhylle eller i ein veglaus avkrok langt ute i villmarka. «Alle har ei spanande historie å fortelja», har programleiaren Oddgeir Bruaset uttalt.

I denne serien fekk sjåarane møta nokre av desse menneska som bur slik dei gjer, ikkje fordi dei må, men fordi dei vil, og fordi dei meiner at dei får meir ut av livet ved å leva på ein fredeleg plett i enkle kår enn å stressa i ei bygate i kamp med klokka. Målet med serien er å gje eit innblikk i korleis livet til desse menneska artar seg, kva for tankar dei gjer seg og kva for haldningar dei har. Liva til folk som bur på vanskeleg tilgjengelege, ofte veglause stader vert skildra.

Stader i serien[endre | endre wikiteksten]

Sesong 1 (6 episodar): Sulabakk (MR), Sylen i Engerdal kommune (HE), Finnen (SF), Kjeåsen i Eidfjord kommune (HO), Sauøy i Froan i Frøya kommune (ST), Trodla-Tysdal (RO)

Sesong 2 (6 episodar): Gaundalen (NT), Givær (NO), Styvi ved Nærøyfjorden (SF), Risberget (Finnskogen), Revelsøy (NO), Kvipt (TE)

Sesong 3 (6): Lággu/Langfjordbotn (FI), Eikemo i Åkrafjorden (HO), Vassvika i Sjunkfjorden (NO), Bleikøya i Oslofjorden, Sihccajavri (FI), Kvebergsøya i Folldal (HE)

Sesong 4 (6): Laksefjorden (FI), Skålid (Fyresdal) (TE), Litle Færøy i Solund kommune (SF), Gjevsjøen i Snåsa kommune (NT), Åsligrenda vest for Dokka (OP), Flatøy (TR)

Sesong 5 (6): Skåri (Mørkrisdalen, Luster) (SF), Nyhaug (Gausetbygdi, Tinn) (TE), Indre Fure på Stadlandet (SF), Skåro i Fyksesund (HO), Heggerusti i Vågå kommune (OP), Nyksund i Vesterålen (NO)

Sesong 6 (5): Ved Erik Larsatjønna aust for Graddis Fjellstue (NO), Kjepso ved Ålvik (HO), Måren (SF), Fossdal og Liagarden (ST/MR), Skjerdal (Nordfjord) (SF)

Sesong 7 (6): Kjerkfjorden i Lofoten (NO), Femundshytta ved Femunden , Moslid i Vinje kommune (TE), Sæterstad i Hattfjelldal kommune (NO), Homevassevje (Setesdal), Røneset (Storfjorden) (MR)

Sesong 8 (7): Værøy flyplass [4](NO), Aldal ved Bolstadøyri (HO), Svinøyna i Gulen (SF), Hasfjorden/Meltefjorden (FI), Argehovd ved Møsvatn (TE), Makøy/Nordre Sandøy (Hvaler) (ØF), Brulia i Rauma (MR)

Sesong 9 (6): Røysland (Lund), Litløy fyr (Bø i Vesterålen) [5](NO), Mælen (Jondal) (HO), Munkedal (Hitra) (ST), Vikabråten (Vestre Slidre) (OP), Skindalen ved Møsvatn (TE)

Sesong 10 (6) Høvda (Valdres) (OP), Meløyvær (Bjarkøy) (TR), Listøl i Åseral (VA), Brattværet (Nordmøre) (MR), Lysvatnet på Fosen (Åfjord) (ST), Skrepprud (Nore og Uvdal) (BU)

Sesong 11 (4) var ein sesong med oppfølging av stader som var vist tidlegare.

1: Vassvika, Skåri i Sogn, Åsligrenda og Nyksund

2: Finnen, Kvipt, Værøy flyplass, Skjerdal og Makøy/Nordre Sandøy

3: Måren, Eikemo i Åkrafjorden, Litle Færøy, Graddisfjellet, Skindalen og Givær

4: Om dei som er gått bort, og om dei som har flytta

Sesong 12 (6): Bønnåa (Visten) (NO), Vindsås/Tytingen (Valle) (AA), Håberget (HE), Rød i Ryfylke (RO), Glittersjå/Brenna (Meringsdalen) (OP), Ytste Skotet (Storfjorden) (MR)

Sesong 13 (6): Guleiksgarden/Tveit (Tveit 31, Samnanger) (HO), Sivertgård (Hattfjelldal) (NO), Nordgard (Nord-Hidle) (RO), Skifterud (Tinn) (TE), Høttmon i Meråker (NT), Kvitsyn/Bergseng (Bergsengvegen 83, Vestre Slidre) (OP)

Sesong 14 (6): Tangeneset i Solund, Gamvik (Hammerfest) (FI), Austli ved Møsvatn (TE), Bliksvær i Salten (NO), Fonna (Fitjar) (HO), Frønningen (Lærdal) (SF)

Sesong 15 (6): Sylvarnes (Vik) (SF), Langfjordnes (Tanafjorden) (FI), Homevann (Kristiansand) (AA), Flørli (Lysefjorden), Bukkestein (Veafjorden) (HO), Jotkajavvri (FI)

Popularitet og vidareutvikling[endre | endre wikiteksten]

Serien har vorte svært populær i Noreg. På det meste har einskilde program vorte følgde av over ein million sjåarar. [6] Serien fekk Gullruten 2008 i klassen beste magasin- eller livsstilsprogram. [7] Oddgeir Bruaset fekk Folkets TV-pris under Gullruten 2009. [8] Han fekk i 2015 Gullruten sin heiderspris, etter at han året før hadde fullført sin siste sesong av programmet og gått av med pensjon. [9] Bruaset har laga ei rekke bøker og hefte, blant anna julehefte, basert på TV-serien.

Populariteten til serien har gjort at det har blitt laga ei rekke oppfølgingsprogram, blant anna ein heil serie om ein av gardane, Røneset. Denne serien fekk namnet "Severin", etter førenamnet på han som bur på garden i dag. [10] Severin er førebels produsert i tre sesongar.

"Der som ingen skulle tru" har også gitt inspirasjon til andre tv-program, som f eks serien Glimt av Norge [11] som blant andre emne tar opp livet i utkantane. Denne serien med kortdokumentarar begynte i 2010 og er førebels produsert i åtte sesongar. Kvart program varer rundt 15 minutt.

Kjelder[endre | endre wikiteksten]

Fotnotar[endre | endre wikiteksten]