Dhanteras
Dhanteras eller dhanatrayódasji er den første dagen av divali i delar av India. Derfor blir han også kalla tsjhoti-divali, 'vesle-divali'. Dagen fell to dagar før nymånen i hindumånaden kartika. Dette er rekna som den trettande dagen i den mørke halvdelen av månaden, og teras tyder 'trettande' på hindi. Dhan tyder rikdom, og dhanteras er ei høgtid der ein dyrker rikdomsgudinna Laksjmi. Gudinna i form av Dhana-Laksjmi blir vist vegen til huset gjennom fotavtrykk teikna på bakken, ein utfører arti og syng hymne til henne. Andre skikkar knytte til høgtida er å kjøpa gjenstandar av metall — gjerne myntar eller smykke av gull eller sølv, men også nyttegjenstandar som etereiskapar, køyretøy eller mobiltelefonar av stål eller andre metall — eller spela pengespel.
Høgtida blir også knytt til Dhanavantari, ei lækjande form av Visjnu, og ei soge om å vinna over dødsguden Jama. Sjå dipavali for meir.
Bakgrunnsstoff
[endre | endre wikiteksten]- Dhanteras - Festival of Wealth ved about.com
Kjelder
[endre | endre wikiteksten]- Subhamoy Das, Dhanteras - Festival of Wealth, about.com
- TNN, Mobile-mania on Dhanteras[daud lenkje], The Times of India, Oct 20, 2006
 |