Dikka Møller

Frå Wikipedia – det frie oppslagsverket
Hopp til navigering Hopp til søk
Dikka Møller
Portrett av Diderikke Dikka Anette Møller.jpg
Fødenamn Diderikke Anette Anker
Fødd 18. juni 1838
Halden
Død

26. november 1912
Fredrikstad

Dikka Møller på Commons

Dikka Møller (18. juni 183826. november 1912) var ein norsk pasifist og aktivist. Ho var ein pioner innan den kvinnelege fredsrørsla i Noreg frå 1890-åra da arbeidet kom i organiserte former.[1]

Familie[endre | endre wikiteksten]

Portrett av Dikka Møller, sumaren 1872.

Dikka Møller var dotter av grosserar Peter Martin Anker (1801–1863) og Cathrine (Thrine) Olava Nicoline Gløersen (1814–1902). Ho vart fødd på Rød herregard i Halden og høyrde til slekta Anker. Ho var syster av skulemannen Herman Anker (1839–1896) og industrimannen Christian August Anker (1840–1912).

Ho gifta seg med Edvard Johannes Møller til Thorsø i Fredrikstad i 1857. Dei blei foreldre til Kai Møller, som gifta seg med kvinnesakskvinna Katti Anker Møller.[1]

Fredsarbeid[endre | endre wikiteksten]

I familien til Dikka Møller var ein levande oppteken av samfunnsspørsmål og politikk og ho sjølv var oppteken av rettane til kvinner, grundtvigianismen og især fredsarbeid. Ho hadde nær kontakt med Bjørnstjerne Bjørnson som ofte vitja ho.

I 1894 var ho med på å gje ut Det Norske Fredsblad i samarbeid med Bernhard Hanssen, Bjørnstjerne Bjørnson, Arne Garborg og Fredrik Bajer.[2]

Seinare stifta ho Kvindernes Fredsforening. Ho var formann i Norges Fredsforening, som var stifta i 1885, i perioden 1898–1900.[1]

Kjelder[endre | endre wikiteksten]

  1. 1,0 1,1 1,2 Dikka Møller i Norsk biografisk leksikon
  2. Mats Rønning: Fredsfaar i gjentatt strid - historien om den folkelige fredsbevegelse i Norge før 1914, side 29 PDF

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Dikka Møller