Dmitrij Sokolov

Frå Wikipedia – det frie oppslagsverket
Hopp til navigering Hopp til søk
Dmitrij Sokolov
Fødd 20. mai 1924
Yurgamyshsky District
Død

4. juli 2009
Kurgan

Yrke skiskyttar

Dmitrij Petrovitsj Sokolov [1] (20. mai 19244. juli 2009) var ein skiskyttar, leirdueskyttar og skytetrenar frå Fadjusjino i Kurgan oblast i dåverande Sovjetunionen, seinare Russland.

Sokolov var mellom pionerane då skiskyting vart ein internasjonal idrett. Han vart nummer ni på 20 km, den einaste VM-øvinga fram til 1964, då den fyrste verdsmeisterskapen i skiskyting vart avvikla i Saalfelden i Austerrike i 1958. Året etter tok han i italienske Courmayeur sølvmedaljen på 20 km, med tida 1.41.15 kom han i mål ti sekundar etter landsmannen Vladimir Melanjin.

Både under Vinter-OL 1960 i Squaw Valley og VM i skiskyting 1961 i Umeå, enda Sokolov på sjetteplassen. Han vart sovjetisk meister i skiskyting både i 1958 og 1961.

Frå 1963 deltok han i leirdueskyting.

Kjelder[endre | endre wikiteksten]

  • Sportsboken, aktuelle årgangar
  1. Kyrillisk skrift Дмитрий Петрович Соколов