Edvard Grimstad
| Edvard Grimstad | |||
| Fødd | 29. mars 1933 Råde kommune | ||
|---|---|---|---|
| Død | 3. april 2014 (81 år) | ||
| Statsborgar av | Noreg | ||
| Parti | Senterpartiet | ||
| Yrke | politikar, bonde | ||
| Utdanna ved | Noregs miljø- og biovitskaplege universitet | ||
| Alle verv |
| ||
Edvard Grimstad (29. mars 1933–3. april 2014) var ein norsk bonde, næringsleiar og politikar frå Råde. Han var stortingsrepresentant 1989-97 og fylkesmann i Østfold 1998-2003.
Grimstad var son til ein gardbrukar i Råde. Frå han var 16 år gammal gjekk han både på fylkesskule, folkehøgskule og landbruksskule. Åra 1959-62 studerte han jordbruk og økonomi ved Norges Landbrukshøgskole på Ås. Dei neste fire åra var han tilsett i tilsett i Fellesslakteriet, medan han 1966-68 var u-hjelpsrådgjevar i Kenya. Han tok i 1968 over farsgarden i Råde og dreiv denne. I 1977 vart han administrerande direktør i Gartnerhallen, deretter arbeidde han frå 1981 i fire år som koordinator for eit nordisk u-hjelpsprosjekt i Mosambik.
Grimstad var ordførar i Råde i 1975–76 og varaordførar 1979–1983. Han var formann i Østfold Senterparti 1976-80. I 1989 fekk han andreplassen på Østfold Senterparti si liste til stortingsvalet. Valperiodane 1989-93 og 1993-97 representerte han så Østfold på Stortinget. På Tinget kom han inn i forsvarkomiteen, men vart i november 1990 flytta over i justiskomiteen i samband med at Gro Harlem Brundtland tok over som statsminister etter Jan P. Syse. I den andre valperioden var han visepresident i Stortinget, samt nestleiar i valkomiteen, sekretær i fullmaktskomiteen og medlem av Kontroll- og konstitusjonskomiteen.
Grimstad tok ikkje attval i 1997, då han allereie var utnemnd til fylkesmann i Østfold. Dette embetet styrte han frå 1998 til 2003.