Einar Iveland
| Einar Iveland | |||
| Fødd | 9. mai 1892 | ||
|---|---|---|---|
| Død | 15. mai 1975 (83 år) | ||
| Statsborgar av | Noreg | ||
| Parti | Venstre | ||
| Yrke | politikar | ||
| Alle verv |
| ||
Einar Iveland (9. mai 1892–15. mai 1975) var ein norsk lærar og politikar frå Iveland i Aust-Agder. Han var stortingsrepresentant for Venstre og Aust-Agder frå 1950 til 1953.
Liv og gjerning[endre | endre wikiteksten]
Etter å ha gått på Setesdal landbruksskule skulevinteren 1909/10 gjekk Iveland på Kristiansand lærarskule der han tok eksamen i 1917. Frå 1918 var han den neste tia åra lærar på høvesvis Farsund middelskole, Agder Folkehøgskule 1918-24 og Aust-Agder fylkesskule 1924-28. I 1928 fekk han lærarstilling i heimbygda Iveland, ein post hadde han til 1959. Han var også kyrkjesongar i Iveland 1928-45 og tok over farsgarden i 1937.
Frå 1932 var han medlem av heradsstyret i Iveland, ordførar 1934-42, då han vart avsett av NS-styresmaktene. Kom tilbake i 1945 og var ordførar til og med 1949. Perioden 1945-49 han leiar av fylkestinget i Aust-Agder.
Iveland var formann i Aust-Agder Venstrelag frå 1946 til 1954, og medlem av landsstyret i Venstre frå 1948 til 1956. Perioden 1950-53 var han fast representant frå Aust-Agder på Stortinget, medlem av skog-, vassdrags- og industrikomiteen.
Iveland hadde ei rad verv, bådee offentleg og privat. Han var medlem i Statens samferdselsråd 1948-64, styremedlem Noregs Heradsforbund og formann for Noregs Bank i Arendal 1960-63. Han var frå 1949 fylkesformann og 1952-55 nestformann i Norges Bondelag. Både i bondelaget og i Venstre var han ein mykje nytta talar.
Kjelder[endre | endre wikiteksten]
- Norsk Allkunnebok, VI. bandet. 1955
- Stortingsbiografi