Erebos

Frå Wikipedia – det frie oppslagsverket
Gå til: navigering, søk

Erebos (gresk skrift Ἔρεβος) er eit omgrep frå gresk litteratur i oldtida som kan visa til mørkret i underverda, sjølve underverda eller som eit personleggjort vesen som stod for dette. Erebos er mellom anna omtalt i homeriske dikt og av Hesiod.

Som stad bli Erebos skildra som å liggjande i det ytste vest, ved Okeanos, eller djupt inne i jorda. Det kan vera det første området av underverda dei døde kjem til, og blir ofte brukt med same tyding som Tartaros.[1][2][3][4][5]

Hesiod omtalar Erebos som eit mytisk vesen som var eit av dei fem første vesena i verda.[6] Han var son av Khaos og bror av Nyx (natt). Med systera fekk han barna Aither (eter), Hemera (dag) og Kharon (ferjemannen i Hades). Andre barn dei skal ha fått i ulike framstillingar er Hypnos (søvn), Geras (guden for alderdom), Thanatos (død), nymfene Hesperidane, skjebnegudinnene Moirai og Styx (elva i Hades).

Erebos har mellom anna gjeve namn til Mount Erebus i Antarktis via skipet HMS «Erebus».

Kjelder[endre | endre wikiteksten]

  1. Elizabeth, Alice (1896). The Sources of Spenser's Classical Mythology. New York: Silver, Burdett and Company. s. 52, 55. 
  2. Morford, Mark P. O. (1999). Classical Mythology: Sixth Edition. New York: Oxford University Press US. s. 36, 84, 253, 263, 271. ISBN 0-19-514338-8. , ISBN 9780195143386
  3. Peck, Harry Thurston (1897). Harper's Dictionary of Classical Literature and Antiquities, Volume 1. New York: Harper. s. 620. 
  4. Rengel, Marian (2009). Greek and Roman Mythology A to Z. Infobase Publishing. s. 51. ISBN 1-60413-412-7. , ISBN 9781604134124
  5. Turner, Patricia (2001). Dictionary of Ancient Deities. Oxford University Press. s. 170. ISBN 0-19-514504-6. , ISBN 9780195145045
  6. Hesiod, Theogony 116–124.
  • «Erebos» (14. februar 2009), Store norske leksikon. Fri artikkel henta 26. januar 2015.