Erik Münster

Frå Wikipedia – det frie oppslagsverket
Hopp til navigering Hopp til søk
Erik Münster
Erik Munster.jpg
Fødd21. april 1930
København
Død27. juli 2020 (90 år)
NasjonalitetDanmark
Yrkelege, skribent

Erik Münster (21. april 193027. juli 2020[1]) var ein dansk lege og forfattar av bøker og legespalter i aviser og vekeblad. Dr. Erik Münster har gjennom sine faste spalter i fleire år gitt vanlege menneske over heile Skandinavia høve til å få forståelege og oppmuntrande svar på kompliserte, medisinske spørsmål.

Münster var fødd i København og ferdig utdanna til lege frå Københavns universitet i 1958. Han spesialiserte seg i øyre-, nase- og halssjukdomar og vart i 1969 spesiallege. I åra 1958 til 1975 arbeidde han som sjukehuslege. Frå 1975 og fram til 1996 hadde han sin eigen spesialpraksis i øyre-, nase-, halssjukdomar i den danske hovudstaden.

Ved sida av arbeidet som lege, har Münster sidan 1950-åra hatt ei omfattande verksemd som skribent og brevkasseredaktør ved ei rekkje danske og utanlandske dagsaviser og vekeblad. Münster er i Danmark mest kjend for spalta si om sex og samliv i Ekstra Bladet og for brevkassa i vekebladet Familie Journal. I Noreg har artiklane til doktor Münsters vore publiserte i vekebladet Allers og dagsavisene Telemarksavisa og Bergensavisen.

I 1992 mottok doktor Münster Ekstra Bladets høgste heider for sitt journalistiske virke, Victor-prisen.

Erik Münster gifte seg i 1961 med sjukepleiar Elly Münster. Saman har dei borna Charlotte og Henrik. Sonen Henrik har følgt i fotspora til faren sin og arbeider som lege. Saman med kona Anna-Marie, som også er lege, skreiv dei ei tid legespalte i vekebladet Ude og Hjemme.

Doktor Münster har ein fanklubb i Bergen som heiter Doktor Münsters medisinske samfunn, avdeling Bergen.

Litteratur[endre | endre wikiteksten]

Bøker skrivne av Erik Münster. Fleire av bøkene er omsett til andre språk som norsk, svensk og islandsk.

  • I fin form ved rattet (1960)
  • Tjen Penge ved fotografering (1961)
  • Lær at leve med Deres sygdom (1964)
  • Menneskelegemet, Naturens mesterværk (1966)
  • Narkotika, Sandheden om de euforiserende stoffer (1967)
  • Napoleon - mennesket, elskeren og patienten (1969)
  • Kønssygdomme (1970)
  • Sygdomme i øre, næse, mund og hals (1970)
  • Lægebrevkassen (1970)
  • Underlivssygdomme hos kvinder (1970)
  • Det Bedstes store lægebog (1973)
  • Er det noe i veien med magen? (1973)
  • Mine kære patienter (1978)
  • Amerikanske præsidenter (1984)
  • Kronede hoveder (1984)
  • Peter Asschenfeldts lægeleksikon i 10 bind (1986-1988)
  • Mavesygdomme (1987)
  • Prostata, undgå kniven (1995)
  • Seksualitet og samliv - en gennemgang af seksualitetens glæder og problemer (1997)

I tillegg har Erik Münster vore redaktør og medforfattar i andre publikasjonar.

Kjelder[endre | endre wikiteksten]

  1. Nanna Bay Madsen (28. juli 2020), «Erik Münster er død», ekstrabladet.dk (på dansk) 

Bakgrunnsstoff[endre | endre wikiteksten]