Filmen Armand
| Regi | Halfdan Ullmann Tøndel  | ||
|---|---|---|---|
| Medverkande | Renate Reinsve, Ellen Dorrit Petersen | ||
| Utgjevingsdato | 2024 | ||
| Lengd | 116 minutt, 117 minutt | ||
| Opphavsland | Noreg, Nederland, Tyskland, Sverige | ||
| Språk | norsk | ||
Armand er ein norsk dramafilm frå 2024, regissert og skriven av Halfdan Ullmann Tøndel.[1]
Filmen hadde verdspremiere under Un Certain Regard-delen av den 77. Filmfestivalen i Cannes 18. mai 2024, der han vann Caméra d'Or for beste filmdebut.[2][3] Armand skal ha kinopremiere i Noreg 27. september 2024.
Handling[endre | endre wikiteksten]
Handlinga føregår på ein forlaten skole der alle skuleelevane akkurat har tatt sommarferie. Åleinemora Elisabeth blir på kort varsel kalla inn til møte med kontaktlæraren Sunna for å diskutere noko som skal ha skjedd mellom seks år gamle Armand og klassekameraten Jon. Foreldra til Jon er også til stade under møtet, men synspunkta om kva som eigentleg har skjedd mellom sønene deira spriker kraftig. Etter kvart blir også rektor ved skulen Jarle og helsesystera Ajsa involvert i saka. Det visar seg at det ligg meir bak saka enn det ein fyrst har gått ut frå, blant anna kor mange av dei involverte som kjenner kvarandre frå før.[4]
Rolleliste[endre | endre wikiteksten]
- Renate Reinsve – Elisabeth
- Ellen Dorrit Petersen – Sarah
- Thea Lambrechts Vaulen – Sunna
- Endre Hellestveit – Anders
- Øystein Røger – Jarle
- Vera Veljovic – Ajsa
Produksjon[endre | endre wikiteksten]
Armand er spelefilmdebuten til Halfdan Ullmann Tøndel, barnebarnet til skodespelaren Liv Ullmann og filmskaparen Ingmar Bergman.[5] Filmen er ein produksjon av Eye Eye Pictures, som blei skipa i 2022 av Dyveke Bjørkly Graver og Andrea Berentsen Ottmar. Bjørkly Graver og Berntsen jobba begge på 2021-filmen til Joachim Trier Verdens verste menneske.[6] Armand er produsert av Berentsen Ottmar, in samproduksjon med Keplerfilm (Nederland), Prolaps (Sverige) og One Two Films (Tyskland), i tillegg til Zefyr (Noreg) og Film i Väst (Sverige).[1] Trier og Bjørkly Graver fungerte som ansvarlege produsentar.[7]
Lansering[endre | endre wikiteksten]
Armand blei vald ut til å delta i Un Certain Regard-delen av den 77. filmfestivalen i Cannes, der han hadde verdspremiere 18. mai 2024,[8] Filmen skal ha kinopremiere i Noreg 27. september 2024.[9]
Prisar og nominasjonar[endre | endre wikiteksten]
| Pris | Dato for seremoni | Kategori | Mottakar(ar) | Resultat | Ref. |
|---|---|---|---|---|---|
| Filmfestivalen i Cannes | 24. mai 2024 | Prix Un Certain Regard | Halfdan Ullmann Tøndel | Nominert | [10] |
| 25. mai 2024 | Caméra d'Or | Vinnar | [8] |
Kjelder[endre | endre wikiteksten]
- ↑ 1,0 1,1 Keslassy, Elsa (26. juni 2023). «'The Worst Person in the World' Producers, Cannes Breakout Star Renate Reinsve Reteam on 'Armand' (EXCLUSIVE)». Variety. Henta 11. mai 2024.
- ↑ «Dette er heilt fantastisk, vi er heilt overvelda». NRK. Henta 24. mai 2024.
- ↑ «Halfdan Ullmann Tøndel vant gjev pris i Cannes». TV2.no. Henta 24. mai 2024.
- ↑ «Armand». P3 Filmpolitiet. 18. mai 2024. Henta 24. mai 2024.
- ↑ Wise, Damon (18. mai 2024). «'Armand' Review: Renata Reinsve Shines In Halfdan Ullmann Tøndel's Intense School Drama – Cannes Film Festival». Deadline Hollywood. Henta 18. mai 2024.
- ↑ Pham, Annika (18. august 2022). «'The Worst Person in the World' Producers Launch Eye Eye Pictures (EXCLUSIVE)». Variety. Henta 11. mai 2024.
- ↑ Abbatescianni, Davide. «Halfdan Ullmann Tøndel's debut feature, Armand, in production». Cineuropa. Henta 11. mai 2024.
- ↑ 8,0 8,1 «The Screenings Guide of the 77th Festival de Cannes». Festival de Cannes. 8. mai 2024. Henta 11. mai 2024.
- ↑ «Armand åpner norsk filmfestival etter Cannes-premiere: – Vel så nervepirrende». Samtiden (på norsk). NTB. 29. april 2024. Henta 18. mai 2024.
- ↑ «Cannes 2024 line-up guide: Un Certain Regard titles». Screen International. 9. mai 2024. Henta 11. mai 2024.
- Denne artikkelen bygger på «Armand (film)» frå Wikipedia på bokmål, den 27. mai 2024.
Bakgrunnsstoff[endre | endre wikiteksten]
- Filmen Armand ved IMDb
