Gallaantrekk

Det britiske kongeparet og amerikanske presidentparet under ein offisiell middag i Det kvite huset i 2007. Mennene har på seg kjole og kvitt og kvinnene ballkjolar. Dei kongelege ber også sine ordenar.

Gallaantrekk er ei drakt som kan nyttast i store høve, slik som slottsmiddagar, bryllaup, ball eller liknande. På innbydninga står det då oftast: «Antrekk: Galla», eller «Antrekk: Kjole og kvitt». Formelt er dette det finaste antrekket ein kan ha. Til galla høyrer òg dekorasjonar, om anna ikkje er nemnd i invitasjonen.

For mannen er galla anten kjole og kvitt (også kalla snippkjole eller livkjole) eller militær gallauniform. Dei kan også ha på seg ein høgtidssam folkedrakt, som bunad.

Kvinna kan gå i lang kjole, til dømes ballkjole. Dette skal vere hennar flottaste antrekk, så her er det meste av pynt tillate. Kvinner kan også bruke bunad, også om dei kjem åleine eller i følgje med ein mann utan bunad.