Gry Mølleskog
| Gry Mølleskog | |
| Statsborgarskap | Noreg |
| Fødd | 27. januar 1962 (62 år) Bodø |
| Medlem av | Det kongelege hoff |
Gry Mølleskog (fødd 27. januar 1962 i Bodø) er ein norsk næringslivsleiar og tidlegare hoffsjef ved Det kongelege hoffet.[1] Mølleskog er no konsernsjef i det internasjonale live entertainment-selskapet All Things Live. Ho er også administrerande direktør for det norske dotterselskapet All Things Live Norway.[2]
Karriere[endre | endre wikiteksten]
Mølleskog var hoffsjef ved Det kongelege hoffet i Oslo frå 2015 til 2022.[3] Fleire norske medium rapporterte at ho var den fyrste kvinna i verda som leia eit kongeleg hoff.[4][5] Ho var tidlegare sjef for det kongelege sekretariatet ved Det kongelige hoffet.[6][7]
Mølleskog er utdanna som Master of Management frå Handelshøyskolen BI. Ho var i perioden 2006-2011 seniorpartnar i selskapet Korn/Ferry International AS i Oslo.[8] Ho var i 23 år tilsett i SAS og var blant anna senior vice president og leia avdelinga for dei kabintilsette i flyselskapet.[9] Frå 2004 til 2006 var ho stabssjef for staben til kronprinsparet ved Det kongelege hoffet.[10] Mølleskog har også hatt ei rekkje styre- og styreleiarverv, blant anna i Norsk Folkemuseum, Norwegian Property ASA, Quartz+Co, Posten Norge, SAS, Kronprinsparets humanitære fond og DnB NOR Finans. Ho har også vore styreleiar i Oslo Sporvognsdrift/Oslotrikken og nestleiar i styret til Hurtigruten Group.[11] Mølleskog er styremedlem i Stiftelsen H.M. Dronning Sonjas kunstnerstipend, som deler ut Queen Sonja Print Award[12].
Utmerkingar[endre | endre wikiteksten]
Gry Mølleskog blei 8. september 2022 tildelt Storkross av St. Olavs Orden for «fortjenstfullt virke i Kongefamiliens tjeneste». Ho blei utnemnd til kommandør med stjerne av St. Olavs Orden 20. desember 2021, Kongens Erindringsmedalje i 2018 og Kongens fortenestemedalje i 2012 som leiar for det kongelige sekretariat. I 2006 blei ho utnemnd til riddar av 1. klasse av St. Olavs Orden.[13] Ho er også kommandør med stjerne av den danske Dannebrogordenen, har motteke storkrossen av Republikken Italias fortensteordenen[14] og er storoffiser av den portugisiske Fortenesteordenen.[15] I 2017 blei ho tildelt storkross av Den islandske falkeordenen i samband med statsbesøket til den islandske presidenten i Noreg.[16]
Kjelder[endre | endre wikiteksten]
- ↑ Hoffsjefen fratrer - Det kongelige hoff 8. april 2022
- ↑ «New CEO appointed for All Things Live Group». All Things Live (på engelsk). Henta 3. november 2022.
- ↑ «Hoffsjefen», Kongehuset, 11. august 2015. Lest 27. august 2015.
- ↑ «Første kvinne som hoffsjef», NRK, 13. mars 2015. Lest 5. september 2015.
- ↑ «Bodøkvinne blir verdens første kvinnelige hoffsjef», Fremover, 13. mars 2015. Lest 5. september 2015.
- ↑ «Gry Mølleskog blir ny hoffsjef», Kongehuset, 13. mars 2015. Lest 13. mars 2015.
- ↑ «Mette-Marits venninne blir sjef for ny hoffstab», NRK, 31. august 2012.
- ↑ «Gry Mølleskog» Arkivert 21. november 2008 på Wayback Machine., Korn/Ferry International.
- ↑ Stig Tore Laugen: «Bryter med kronprinsparet», VG, 21. oktober 2006.
- ↑ Stig Tore Laugen: «Håndplukker ny stabssjef», VG, 7. desember 2006.
- ↑ Svein Snefjellå: «Gry skal jakte hoder», Avisa Nordland, 19. desember 2006.
- ↑ «Dronningens kunstnerstipend», Kongehuset, 23. mai 2014.
- ↑ Tildelinger - Gry Mølleskog - kongehuset.no
- ↑ Dettaglio decorato Arkivert 19. desember 2013 på Wayback Machine., Presidente della Repubblica.
- ↑ CIDADÃOS ESTRANGEIROS AGRACIADOS COM ORDENS PORTUGUESAS, database over ordenstildelinger, Portugals presidentembete.
- ↑ Orðuhafaskrá Arkivert 16. april 2017 på Wayback Machine., oversikt over tildelinger fra Islands president. Lest 15. april 2017.
- Denne artikkelen bygger på «Gry Mølleskog» frå Wikipedia på bokmål, den 20. mars 2024.