Gujranwala
| Gujranwala گوجرانوالا | |||
| by | |||
 | |||
| Land |  Pakistan
| ||
|---|---|---|---|
| Region | Panjab | ||
| Distrikt | Gujranwala | ||
| Koordinatar | 32°9′N 74°11′E / 32.150°N 74.183°E | ||
| Areal | 3 198 km² | ||
| Folketal | 1 132 509 (august 2014[1]) | ||
| Tidssone | PST (UTC+5) | ||
| - Sommartid | PDT | ||
 Gujranwala 32°09′00″N 74°11′00″E / 32.15°N 74.183333333333°E | |||
| Wikimedia Commons: Gujranwala | |||
Gujranwala (urduskrift گوجرانوالا) er ein pakistansk industriby som ligg i Gujranwala distrikt i Panjab. Han er den sjuande folkerikaste av storbyområda i Pakistan,[1] og er ein av dei raskaste veksande byane i landet.[2] Gujranwala ligg 226 meter over havet.[3] Han grensar mot Ghakhar Mandi, Alipur Chatha, Kamonke og fleire mindre byar og landsbyar.
Historie
[endre | endre wikiteksten]Namnet «Gujranwala» viser til at byen blei bygd av gurjarar.[4] Namnet blir også knytt til riket Gurjara-Pratihara.[5] Ifølgje Imperial Gazetteer of India blei byen omdøypt Khanpur av sansi-jattar frå Amritsar som slo seg ned, men det eldre namnet overlevde.[4]
Gujranwala blei viktig under framveksten av Sikh-riket på 1700-talet. Han var fødestaden til grunnleggjaren av riket, Ranjit Singh, og hovudstad for føregjengarane hans, faren Maha Singh og farfaren Tsjarat Singh.[4] Sikh-leiaren Hari Singh Nalwa reiste mykje av den «nye» byen.[6]
Området kom under britisk styre i 1848. I 1881 blei det bygd ei jernbanelinje langs hovudvegen Grand Trunk Road som band saman Gujranwala med andre byar i Panjab og letta handel.[4]
Klima
[endre | endre wikiteksten]Gujranwala har steppeklima (BSh etter Köppen si klimaklassifisering).[7] Om sommaren (juni til september) kan temperaturen koma opptil 36 °C. Dei kaldaste månadane er som regel november til februar, då gjennomsnittet klan ligga på 7 °C. Månadane med høgast nedbør er som regel juli og august, når monsunen kjem til Panjab. I dei andre månadane er gjennomsnittleg nedbør rundt 25 mm. Dei tørraste månadane er som regel november til april, med lite nedbør.[8]
Kulturarv i Gujranwala
[endre | endre wikiteksten]-
Baraari i Sherawala-hagen -
Jernbanestasjonen i Gujranwala -
Mariakyrkja (St. Mary's Catholic Church) i Buttranwali -
Universitetet i Panjab, Gujranwala -
Krigsminnesmerket Nishan-E-Manzil
Kjelder
[endre | endre wikiteksten]- ↑ 1,0 1,1 «Population size and growth of major cities» (PDF). Pakistan Bureau of Statistics. 1998. Arkivert frå originalen (PDF) 25. desember 2018. Henta June 11, 2015.
- ↑ http://www.citymayors.com/statistics/urban_growth1.html
- ↑ Location of Gujranwala – Falling Rain Genomics
- ↑ 4,0 4,1 4,2 4,3 Gujrānwāla Town – Imperial Gazetteer of India, v. 12, p. 363.
- ↑ Ramesh Chandra Majumdar; Bhāratīya Itihāsa Samiti (1954). The History and Culture of the Indian People: The classical age. G. Allen & Unwin. s. 64.
- ↑ Nalwa, V. (2009) Hari Singh Nalwa-Champion of the Khalsaji, New Delhi: Manohar, p. 240.
- ↑ «Climate: Gujranwala – Climate graph, Temperature graph, Climate table». Climate-Data.org. Henta 7 September 2013.
- ↑ Jinnah Stadium, Gujranwala – Monthly Averages
- Denne artikkelen bygger på «Gujranwala» frå Wikipedia på engelsk, den 18. juni 2015.