Gunne

Gunne kan vere både eit kvinnenamn og eit mannsnamn, som kvinnenamn er det òg skrive Gunna. Namnet kjem frå norrønt Gunna, og er ei kortform av namn som byrjar på Gunn-, som Gunnhild , og det tyder strid.

Bruken av namnet i Noreg

Som kvinnenamn har namnet vore mest bruka nord på Austlandet. Som mannsnamn er det mest bruka i Østfold.

• Ved folketeljinga i 1801 var 96 kvinner og 8 menn registrert med namnet Gunne, namnet Gunna var bruka av 4 kvinner.
• Ved folketeljinga i 1900 var det 147 registrerte med namnet Gunne, flest kvinner, 12 het Gunna.
• I 2008 er det 11 kvinner og 26 menn som har Gunne til første fornamn, 6 kvinner heiter Gunna.

Sjå òg:

• Søk etter norsk namnestatistikk for Gunne hjå Statistisk Sentralbyrå

Kjelder

• Folketeljingar i Digitalarkivet
• Olav Veka 1991: Namneboka, Det Norske Samlaget ISBN 82-521-3604-4