Haddington
| Haddington | |||
| Baile Adainn Haidintoun | |||
| by | |||
 Haddington. Foto: Richard Webb | |||
| Land |  Skottland | ||
|---|---|---|---|
| Region | East Lothian | ||
| Folketal | 9 130 (2016) | ||
| Postnummer | EH41 | ||
| Retningsnummer | 0 1620 | ||
 Haddington 55°57′22″N 2°47′00″W / 55.95612°N 2.78332°W | |||
| Wikimedia Commons: Haddington, East Lothian | |||
Haddington[a] er ein by (burgh) i regionen East Lothian i Skottland. Han har kring 9 000 innbyggjarar.
Han var sentrum for jordbruksrevolusjonen i Skottland. John Knox, grunnleggjar av Den skotske presbyterianske kyrkja, vart fødd der i 1513 eller 1514.
Viktige bygningar er rådhuset, Mitchell's Close, Lennoxlove House og Mariakyrkja, der kona til historikaren og forfattaren Thomas Carlyle er gravlagt. Haddington ligg cirka 27 kilometer frå den skotske hovudstaden Edinburgh. Byen har ikkje togsamband, men kan nåast med buss 44 frå Edinburgh.
Tandbergs Radiofabrikk A/S oppretta avdelinga Tandberg Electronics med ca 150 tilsette i Haddington våren 1975 for produksjon av fargefjernsyn. Denne vart overteke av Mitsubishi i 1979 etter at Tandbergs Radiofabrikk gjekk konkurs i desember 1978. Fabrikkbygningane ligg i det som no heiter Gateside Commerce Park ca 2,5 kilometer vest for sentrumet til byen.
Alle Tandbergfabrikkar hadde ein skulptur i parken, og skulpturen som høyrde til Haddington avdelinga står no i Haddington sentrum, utanfor The George Hotel. Skulpturen heitte «Konkurransen» og var utforma av Dyre Vaa. Skulpturen framstiller to stangande bukkar. Seinare viste det seg at Haddingtons kommunevåpen inkluderte ei geit.
Merknader
[endre | endre wikiteksten]- ↑ skotsk-gælisk Baile Adainn, skotsk Haidintoun
Kjelder
[endre | endre wikiteksten]- Denne artikkelen bygger på «Haddington» frå Wikipedia på bokmål, den 27. oktober 2011.
