Hans Horgen

Hans Horgen
	Hans Horgen
Fødd	23. januar 1835; Sem kommune
Død	17. november 1911 (76 år)
Statsborgar av	Noreg
Parti	Høgre
Yrke	politikar, bonde, lærar
Alle verv	stortingsrepresentant (1874–1876); ordførar; vararepresentant til Stortinget (1871–1873); vararepresentant til Stortinget (1877–1879); stortingsrepresentant (1883–1885); stortingsrepresentant (1886–1888); stortingsrepresentant (1889–1891) ;

Hans Kristensen Horgen (23. januar 1835–17. november 1911) var ein norsk lærar, gardbrukar og stortingsmann frå Sem i Vestfold.

Horgen var son til ein gardbrukar. Han vart seminarist frå Slagen lærarskule i 1856, og var lærar ved same skulen frå 1858 til -65. Sidan var han gardbrukar på farsgarden. Han var medlem av heradsstyret i mange år, ei tid ordførar. Elles var han medlem av forlikskommisjonen og av amtsskulestyret, der han òg var formann, samt mange andre verv.

Horgen representerte Jarlsberg og Larviks amt på Stortinget 1874-76 og 1883-91. I sin fyrste stortingsperiode var han medlem av protokollkomiteen. Seinare var han medlem av budsjettkomiteen 1883-85 og jarnbanekomiteen 1886-91, samt av valkomiteen 1889-91. Den siste valbolken, 1889-91, var han òg sekretær i Lagtinget.

Horgen døydde på garden sin i Sem i 1911.

Kjelder[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Hans Horgen NSD Norsk senter for forskningsdatas politikararkiv