Himmelkvelving

Jorda roterer innafor ein relativt liten, jordsentrert himmelkule. Her kan ein sjå stjerner (kvit), ekliptikken (raud), og linjer for rektascensjon og deklinasjon (grøn) i ekvatorkoordinatar.

Himmelkvelving eller himmelkule er innan astronomi og navigasjon ei tenkt roterande sfære med ein enorm radius med sentrum i auga til observatøren eller midtpunktet i jorda eller sola.

På jorda er himmelkula konsentrisk og koaksial og med jorda som sentrum. Alle himmellekamar kan sjåast som plassert på denne sfæren. Projisering på himmelkvelvinga er eit nyttig verktøy innan navigasjon. Dersom ein kjenner posisjonen til ein himmellekam på himmelkula (vha. nautiske almanakkar) og deretter bestemmer stillinga til himmellekamen i høve til horisonten (vha. ein sekstant), kan ein rekna ut posisjonen til observatøren på jorda. Dette er grunntanken i astronomisk navigasjon.

Sjå òg

• Himmelkoordinatar
• Firmament
• Himmel
• Eigenrørsle

Kjelder

• Denne artikkelen bygger på «Himmelkvelving» frå Wikipedia på bokmål, den 9. februar 2011.

Bakgrunnsstoff

Commons har multimedium som gjeld: Himmelkvelving