Horornis

Frå Wikipedia – det frie oppslagsverket
Hopp til navigering Hopp til søk
Horornis


Koreasongar, Horornis borealis Foto: Ron Knight
Koreasongar, Horornis borealis
Foto: Ron Knight
Systematikk
Rike: Animalia
Rekkje: Chordata
Klasse: Aves
Orden: Passeriformes
Familie: Cettiidae
Slekt: Horornis
Artar
  • Sjå teksten
  • Vitskapleg namn
    Horornis

    Horornis er ei slekt med små insektetande songfuglar som utgjer kjernen i den nyleg anerkjente orientsongarfamilien. Dei var tidlegare plasserte i songarfamilien, Sylviidae, som på den tida var eit oppsamlingstakson for 'songarliknande' sporvefuglar. Artsutvalet innanfor denne slekta finst frå Søraust-Asia gjennom heile vestlege Stillehavet. Den sist skildra arten er odedisongar, Horornis haddeni, frå Bougainville, Salomonøyane, Papua Ny-Guinea i 2006.

    Skildring[endre | endre wikiteksten]

    Dette er fuglar som lever nær bakken i habitat med tett vegetasjon som småskog og takrøyr. Artane i slekta har sterk tendens til å skjule seg, og har mykje like fjørdrakter. Det gjer desse fuglane vanskelege å observere og å identifisere.

    Fjørdraktene har rein brun eller gråbrun overside og lysare oransjebrun eller lyse gråtoner i undersida. Dei har berre utydelege markeringar bortsett frå augebrynstripa, supercilium. Samla sett har dei stor likskap med kjerrsongarartane i kjerrsongarfamilien som har fjørdrakter med diffuse eller utydelege mønstre.

    Artar

    Horornis vart nyleg skilt ut frå slekta Cettia. Horornis-songarar i rekkjefølgje etter EBird/Clements Checklist v2018[1] med norske namn etter Norske navn på verdens fugler:[2]

    • Ilocanosongar, Horornis seebohmi, Philippine Bush Warbler, Ogilvie-Grant, 1894, (LC)
    • Japansongar, Horornis diphone, Japanese Bush Warbler, Kittlitz, 1830, (LC)
    • Koreasongar, Horornis borealis, Manchurian Bush Warbler, Campbell, CW, 1892, (LC)
    • Palausongar, Horornis annae, Palau Bush Warbler, Hartlaub & Finsch, 1868, (LC)
    • Tanimbarsongar, Horornis carolinae, Tanimbar Bush Warbler, Rozendaal, 1987, (NT)
    • Skuggesongar, Horornis parens, Shade Warbler, Mayr, 1935, (LC)
    • Odedisongar, Horornis haddeni, Odedi, Lecroy & Barker, 2006, (NT)
    • Fijisongar, Horornis ruficapilla, Fiji Bush Warbler, Ramsay, EP, 1875, (LC)
    • Crescendosongar, Horornis fortipes, Brownish-flanked Bush Warbler, Hodgson, 1845, (LC)
    • Gråstenksongar, Horornis brunnescens, Hume's Bush Warbler, Hume, 1872, (LC)
    • Gulstenksongar, Horornis acanthizoides, Yellowish-bellied Bush Warbler, Verreaux, J, 1871, (LC)
    • Vulkansongar, Horornis vulcanius, Sunda Bush Warbler, Blyth, 1870
    • Gusjesongar, Horornis flavolivaceus, Aberrant Bush Warbler, Blyth, 1845, (LC)

    Kjelder[endre | endre wikiteksten]

    Referansar
    1. Schulenberg T. S., M. J. Iliff, B.L. Sullivan, C. L. Wood, T. A. Fredericks, og D. Roberson (august 2018), eBird/Clements Checklist v2018 (CSV), Cornell Lab of Ornithology, henta 24. februar 2019 
    2. Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)

    Bakgrunnsstoff[endre | endre wikiteksten]

    Commons-logo.svg Commons har multimedia som gjeld: Horornis