Ida Blom
| Ida Blom | |
 Ida Blom Foto: Nina Aldin Thune
| |
| Fødenamn | Ida Clara Bonnevie |
| Statsborgarskap | Noreg |
| Fødd | 20. januar 1931 Gentofte |
| Død |
26. november 2016 (85 år) |
| Yrke | historikar, professor |
| Medlem av | Det Norske Videnskaps-Akademi, Kungliga Vitterhets Historie och Antikvitets Akademien, Academia Europaea |
| Ida Blom på Commons | |
Ida Clara Blom (20. januar 1931–26. november 2016) var ein dansk-norsk historikar og professor i kvinnehistorie ved Universitetet i Bergen.[1]
Utdanning og virke[endre | endre wikiteksten]
Blom var fødd og oppvaksen i Danmark og flytta til Noreg i 1954. Ho blei uteksaminert ved Universitetet i Bergen i 1961[2] og disputerte ved samm institusjon i 1972 med avhandlinga Kampen om Eirik Raudes land.[3] Forskinga hennar omfatta politisk og sosial historie på 1800- og 1900-talet, med vekt på kvinnehistorie. Vidare var Blom involvert i samanliknande forsking på internasjonalt nivå med omsyn til statleg velferdshistorie og historia til nasjonalstatane.
Blom var tilsett ved Historisk fakultet ved UiB frå 1962 til ho gjekk av med pensjon. I 1985 blei ho den fyrste norske professoren i kvinnehistorie, og dessuten styreleiar for det humanistiske kvinneforskingssenteret ved UiB.
Verv og utmerkingar[endre | endre wikiteksten]
I 1993 blei Blom medlem av Det norske Videnskaps-Akademi, og i 1996 blei ho utnemnd til æresdoktor ved Københavns Universitet og dessutan utanlandsk medlem av Kungl. Vitterhets Historie och Antikvitetsakademien i Sverige. Ida Blom blei saman med Sølvi Sogner tildelt Sverre Steen-prisen i 2000 for Med kjønnsperspektiv på norsk historie (CAF, 1999). I 2006 blei ho æresmedlem i American Historical Association. Ho mottok Gina Krog-prisen i 2009. Ida Blom var også kommandør av St. Olavs Orden.[4]
Blom hadde gjennom åra fleire internasjonale verv: Ho var medlem av UNESCO-kommisjonen i perioden 1983–1992, var ein av grunnleggjarane av og dessuten president for International Federation for Research in Women's History frå 1987 til 1995, sat i redaksjonsråda for fleire internasjonale fagtidsskrift og var hovudredaktør og medforfattar for Cappelens kvinnehistorie, som fekk Brageprisen i 1993.
I september 2008 blei Universitetet i Bergen sitt bygg Allégaten 34 døypt Ida Bloms hus. Huset blir delt av Senter for kvinne- og kjønnsforsking og Senter for vitskapsteori.[5]
Bibliografi[endre | endre wikiteksten]
- 1972 Kampen om Eirik Raudes land (dr.avh.)[3]
- 1980 Barnebegrensning – synd eller sunn fornuft?
- 1983 Kjønnsroller og likestilling
- 1988 «Den haarde dyst»: Fødsler og fødselshjelp gjennom 150 år
- 1992 og 1993 Cappelens kvinnehistorie bind 1 – 3. Redaktør og medforfatter
- 1994 Det er forskjell på folk – nå som før
- 1998 Feberens ville rose. Tre omsorgssystemer i tuberkulosearbeidet 1900 – 1960
- 2012 Medicine, morality and political culture. Legislation on venereal disease in five Northern European countries, c.1870-c.1995
Ei lang rekkje artiklar i norske og internasjonale fagtidsskrift.
Kjelder[endre | endre wikiteksten]
- ↑ «Nekrolog På Høyden 29. november 2016». Arkivert frå originalen 30. november 2016. Henta 29. november 2016.
- ↑ Universitetet i Bergen Arkivert 22. november 2005 på Wayback Machine.
- ↑ 3,0 3,1 biografisk leksikon
- ↑ «Tildelinger av ordener og medaljer». www.kongehuset.no (på norsk). Henta 3. januar 2024.
- ↑ På Høyden, UIBs nettavis 17.9.2008
- Denne artikkelen bygger på «Ida Blom» frå Wikipedia på bokmål, den 30. mars 2024.