Ilminster

Ilminster
Plassering
Styresmakter
Land	Storbritannia
Konstituerande land	England
Grevskap	Somerset
Geografi
Innbyggjarar ; - By (2011)	; 5 808
Koordinatar	50°56′N 2°55′W / 50.933°N 2.917°W
Diverse annan informasjon
Postnummer	TA19
Telefon-retningsnummer	0 1460
Commons har multimedium som gjeld: Ilminster

Ilminster er ein by i grevskapet Somerset i England. Han har kring 5 800 innbyggjarar. Byen ligg aust for krysset mellom hovudvegane A303 (London til Exeter) og A358 (Taunton til Chard og Axminster). Han ligg nær River Isle.

Historie

Ilminster er nemnd i dokument frå 725 og i eit charter gjeve til Muchelney Abbey (10 mile (16 km) nord for byen) av Ethelred II av England i 995. Ilminster er også nemnd i Domesday Book frå 1086 som «Ileminstre», med tydinga 'kyrkja på elva Isle', frå gammalengelsk ysle og mynster. På denne tida var Ilminster eit blomstrande samfunn som fekk løyve til å halda ein marknad ein gong i veka.

Kyrkja byen har namn etter er vigd til jomfru Maria, og er kjend som The Minster. Den noverande bygningen i hamstone, ein kalkstein frå Ham Hill i Somerset, og stammar frå 1400-talet. Han blei renovert i 1825 av William Burgess, medan koret blei restaurert i 1883. Det blei utført vidare restaurasjonsarbeid i 1887-89 og 1902.