Inger Aufles

Inger Aufles
Statsborgarskap	Noreg
Fødd	29. mai 1941 (84 år) Valldal
Idrett	langrenn
Tok del i	Vinter-OL 1972, Vinter-OL 1968
Utmerkingar	Porsgrunds Porselænsfabriks Ærespris

Inger Reidun Aufles (fødd 29. mai 1941), fødd Døving, er ein tidlegare norsk langrennsløpar. Ho vaks opp i Valldal der far hennar var kjend som ein dugande skiløpar med ei rad kretsmesterskap. Aufles representerte Kjærstad IL frå Mosjøen, dit ho flytte i 1961 og byrja å trene systematisk. Ho vann tre olympiske medaljar:

• Gull på 3 x 5 km stafett og bronse på 10 km i Vinter-OL i Grenoble i 1968
• Bronse på 3 x 5 km stafett i Vinter-OL i Sapporo i 1972

Aufles har og ei sølvmedalje i stafett frå Ski-VM i Oslo i 1966.

I 1969 fekk ho, som den første kvinna, kongepokalen i langrenn, for sigeren på 5 km under NM i Alvdal. Ho vart og Noregsmeister på 10 km i 1968. Det året vart ho kåra til beste kvinnelege idrettsutøvaren i Noreg.

Medaljar og besteplasseringar i noregsmeisterskap

• Ski-NM 1964: Nr 4 på 5 km på Furnes
• Ski-NM 1965: Nr 7 på 10 km på Fåberg
• Ski-NM 1966: Sølv på 10 km og bronse på 5 km på Hernes
• Ski-NM 1967: Sølv på 10 km og bronse på 5 km på Skorovatn
• Ski-NM 1968: Gull på 10 km og sølv på 5 km i Bærum
• Ski-NM 1969: Gull på 5 km og bronse på 10 km i Alvdal
• Ski-NM 1970: Sølvmedalje både på 5 km og 10 km i Meldal
• Ski-NM 1971: Bronsemedalje på 10 km på Fåberg
• Ski-NM 1972: Bronsemedalje på 10 km i Tydal

Ymse

Inger Aufles' veg på Andås i Vefsn er oppkalla etter henne.

Berit Mørdre (på gullstol), Ingrid Wigernæs (til høgre) og Inger Aufles, VM i Oslo 1966.

Kjelder

• Astor Furseh: Skispor i Valldal gav OL-gull, i 100 år 100 navn. Personer som har preget Nordvestlandet. Sunnmørsposten Forlag 2000.
• «Inger_Aufles» i Store norske leksikon, snl.no.

Bakgrunnsstoff

• (en) Inger Aufles – Profil og resultatoversikt hos FIS