Jackson Richardson
| Jackson Richardson | |
|
| |
| Statsborgarskap | Frankrike |
| Fødd | 14. juni 1969 (54 år) Saint-Pierre |
| Idrett | handball |
| Tok del i |
Sommar-OL 2004, Sommar-OL 2000, Sommar-OL 1996, Sommar-OL 1992 |
| Utmerkingar |
Ridder av Æreslegionen, L'Équipe Champion of Champions, Årets handballspelar frå IHF |
Jackson Richardson (fødd 14. juni 1969) er ein fransk tidlegare handballspelar, fødd på Reunion. Han vart verdsmeister 1995 og 2001 med Frankrike sitt landslag og vann EHF-meisterligaen 2001 for spanske Portland San Antonio. Richardson var spelstyrar i angrep.
Karriere[endre | endre wikiteksten]
Klubbspel[endre | endre wikiteksten]
Richardson slo gjennom hos Paris-Asnières i åra 1989-91. Frå 1991 til 1996 var han aktiv for det franske topplaget Vitrolles frå Marseille. Med dette laget vann han EHF-cupvinnarcupen 1993 og han vart to gongar nasjonal cupmeister og to gongar nasjonal seriemeister. Sidan gjorde han teneste i tyske Großwallstadt, der han våren 2000 avslutta med å yte sitt til at laget triumferte i EHF-cupen. Endå meir suksess fekk han 2000-05 hos spanske Portland San Antonio. Høgdepunktet kom då laget i 2001 gjekk heilt til topps i meisterligaen. Tre år seinare vann han og laget den europeiske cupvinnarcupen. Han fekk òg med seg tre nasjonale triumfar, to i serien og ein i cupen. Til sist spelte han 2005-08 for Chambéry Savoie, og i 2009 kortvarig for tyske Rhein-Neckar Löwen.
Landslagsspel[endre | endre wikiteksten]
Richardson var i årevis ein sentral spelar på det franske landslanget, deltok i 417 landskampar og skåra 787 mål i tida 1990 til 2005. Etter OL-bronse i 1992 og VM-sølv i 1993, lukkast Frankrike vinne VM-finalen 1995 på Island med 23–19 over Kroatia. Richardson vart då kåra meisterskapens beste spelar. Sidan vart det bronse i VM 1997, før det vart gull i VM 2001 på heimebane. I finalen mot Sverige skåra han 3 mål i ein kamp som gjekk til ekstraomgangar før vertslandet kunne heve pokalen. Medaljehausten heldt fram med bronse i VM 2003 og VM 2005.
Merittar[endre | endre wikiteksten]
- Sommar-OL 1992: Bronsemedalje, 24-20 mot Island
- VM 1993: Sølvmedalje, 19-28 mot Russland
- VM 1995: Gullmedalje, 23-19 over Kroatia
- VM 1997: Bronsemedalje, 28-27 mot Ungarn
- VM 2001: Gullmedalje, 28-25 over Sverige
- VM 2003: Bronsemedalje, 27-22 mot Spania
- VM 2005: Bronsemedalje, 26-25 mot Tunisia
- Vinnar av EHF-meisterligaen: 2001 for Portland San Antonio
- Vinnar av EHF-cupvinnarcupen: 1993 for Vitrolles og 2004 for Portland San Antonio
- Vinnar av EHF-cupen: 2000 for Großwallstadt
- Fransk seriemeister: 1993 og 1995 for Vitrolles
- Fransk seriemeister: 1994 og 1996 for Vitrolles
- Spansk cupmeister: 2001 for Portland San Antonio
- Spansk ligameister: 2002 og 2005 for Portland San Antonio
Kjelder[endre | endre wikiteksten]
- Denne artikkelen bygger på «Jackson Richardson» frå Wikipedia på tysk, den 16. april 2024.