Jelena Välbe

Jelena Välbe
Statsborgarskap	Russland, Sovjetunionen
Fødd	20. april 1968 (58 år) Magadan
Idrett	langrenn
Tok del i	Vinter-OL 1994, Vinter-OL 1998, langrenn under Vinter-OL 1992, Ski-VM 1989, Ski-VM 1991, Ski-VM 1993, Ski-VM 1995, Ski-VM 1997
Utmerkingar	Holmenkollmedaljen, Fedrelandets fortjenstordens medalje av 1. klasse, 3. klasse av Fedrelandets fortjenstorden, Ordenen folkenes vennskap, 2. klasse av Medaljen for utmerkelse i militær tjeneste, Hedret mester i idrett av Sovjetunionen, Æresordenen, æra meister av idrett i Russland, æresmerke for fortjenester i utvikling fysisk fostring og idrett, Hedret trener i Russland, 2. klasse av Fedrelandets fortjenstorden, Medal "For Distinction in Military Service", orden «Za zaslugi pered Khakasijej», Duslikordenen, æresmerke for fortjenester i utvikling fysisk fostring og idrett, Mester i idrett av Sovjetunionen, Master of Sport of the USSR, International Class

Jelena Välbe (fødd Jelena Valerjevna Trubitsyna, 24. april 1968) er ein russisk tidlegare langrennsløpar frå Magadan i Sibir, som tevla for Sovjetunionen og Russland. Ho var den fremste utøvaren i internasjonal kvinnelangrenn på 1990-talet, og vann ti individuelle gullmedaljar og fire stafettgull i ski-VM tida 1989-97, samt tre OL-gull i stafett. I alt vann ho 23 medaljar i ulike VM og vinter-OL i perioden 1989-98. Frå 1989-sesongen til 1997-sesongen var Välbe alltid mellom dei tre beste i verdscupen i langrenn og gjekk heilt til topps fem gongar; 1989, 1991, 1992, 1995 og 1997. Ho sigra i 45 renn i verdscupen. Under Ski-VM 1997 i Trondheim sette Välbe ein fantastisk rekord ved å vinne fem gullmedaljar av fem moglege.

I 1992 vart ho tildelt Holmenkollmedaljen.

Jelena Välbe har sidan 2010 vore leiar av Russlands Langrennsforbund.

OL- og VM-medaljar

OL

• Albertville 1992: gull på 4×5 km stafett, bronse på 15 km klassisk, 5 km klassisk, jaktstart og 30 km fristil
• Lillehammer 1994: gull på 4×5 km stafett
• Nagano 1998: gull på 4×5 km stafett
• 3 gull, 4 bronse

VM

• Lahtis 1989: gull på 10 km fristil og 30 km fristil, sølv på stafetten
• Val di Fiemme 1991: gull på 10 km fristil, 15 km klassisk og stafetten, sølv på 30 km fristil
• Falun 1993: gull på 15 km klassisk og stafetten
• Thunder Bay 1995: gull på 30 km fristil og stafetten, sølv på 15 km klassisk
• Trondheim 1997: gull på 5 km klassisk, 15 km jaktstart, 15 km fristil, 30 km klassisk og stafetten
• 14 gull, 3 sølv

Kjelder

• Sportsboken, aktuelle årgangar

Bakgrunnsstoff

• (en) Jelena Välbe – Profil og resultatoversikt hos FIS
• «Yelena Välbe» (på engelsk). olympedia.org.