Jim Broadbent

Frå Wikipedia – det frie oppslagsverket
Jim Broadbent

Statsborgarskap Storbritannia
Fødd 24. mai 1949 (74 år)
Lincoln i England
Yrke fjernsynsskodespelar, filmskodespelar, stemmeskodespelar, teaterskodespelar, manusforfattar
Språk engelsk
Jim Broadbent på Commons

James "Jim" Broadbent (fødd 24. mai 1949) er ein prisløna engelsk skodespelar. Broadbent er kjend frå både teater og fjernsynsproduksjonar og er ein populær skodespelar i nyare filmar, særleg etter tusenårsskiftet.

Karriere[endre | endre wikiteksten]

Jim Broadbent voks opp i Lincolnshire, nordvest i England. Ei tvillingsyster av han døydde under fødselen. Begge foreldra hans var amatørskodespelarar; faren vart kjend for å gjera ei tidlegare metodistkyrkje om til eit teater som han oppkalla etter seg sjølv. I oppveksten gjekk han på ein kvekar-skule i Reading i Berkshire, før han tok til å studera ved London Academy of Music and Dramatic Art. Han vart uteksaminert herifrå i 1972, spelte ein del i teater før han filmdebuterte i 1978. Han har vore gift med Anastasia Lewis sidan 1987.

Jim Broadbents talent vart særleg oppdaga etter at han tok til å samarbeida med regissøren Mike Leigh i 1990. Dette samarbeidet resulterte m.a. i filmane Life Is Sweet (1990), Topsy-Turvy (1999) og Another Year (2010). [1] Han har også gjort flotte skodespelarprestasjonar i Bridget Jones-filmane, Moulin Rouge! (2001) og i rolla som professor Snilehorn i Harry Potter-filmane. I filmen Iris (2001) spela han den engelske skribenten John Bayley, ektemannen til hovudpersonen Iris som lir av Alzheimers sjukdom. For denne prestasjonen vann han Oscar-prisen for beste mannlege birolle i 2001. Seinare har han portrettert ektemannen til Margaret Thatcher i Jernkvinnen (2011), som også leid av Alzheimer på sine gamle år. Dette er ein sjukdom som Broadbent kjenner godt, sidan hans eiga mor døydde av Alzheimer i 1995. [2]

Prisar og utmerkingar[endre | endre wikiteksten]

Utvald rolleliste[endre | endre wikiteksten]

Kjelder[endre | endre wikiteksten]

Fotnotar[endre | endre wikiteksten]