John Aas

Frå Wikipedia – det frie oppslagsverket
Hopp til navigering Hopp til søk
John Aas
Fødd 17. oktober 1793
Død

1867

Yrke prest, politikar

John Aas (17. oktober 17936. april 1867) var ein norsk prest og stortingsmann.

John Aas var son av ein proviantskrivar ved Røros koparverk . Han nedstamma i sjette ledd frå bonden Hans Olsen Aasen, som oppdaga koparmalmen ved Røros. Etter å ha gått på koparverket sin folkeskule i heimbygda, reiste han i 1805 til Trondheim og tok til på latinskulen i byen. Derifrå vart han student i 1813 og tok då til å studere ved universitetet i Christiania, han var den fyrste innskrivne studenten.

I 1818 tok Aas teologisk embetseksamen med laud. Året etter vart han utnemnd til personalkapellan ved Akershus slottskyrkje og for Aker kyrkjelyd. I 1820 vart han oppmoda om å søke embete som sokneprest til Gjerstad i Nedenes amt. Han var sidan prest i Gjerstad livet ut. 1846-66 var han i tillegg prost i austre Nedenes. I mange år var han ordførar i heradet, der han arbeidde for forbetringar i skule- og fattigstellet, og i jordbruket. Han sat 14 år i forlikskommisjonen.

Aas representerte Nedenes amt på stortinga 1836, 1836-37, 1842 og 1845. I 1836 og 1836-37 var han medlem av kriminallovkomiteen, 1842 var han sekretær i Lagtinget og medlem av næringskomite nr 1. I 1845 var han medlem av Lagtinget og kyrkjekomite nr 1. Han var då med i riksretten.

Verk[endre | endre wikiteksten]

  • Gjerestads Præstegjeld og Præster (1869)

Kjelder[endre | endre wikiteksten]