John Blow
| John Blow | |
 |
|
| Fødd | døypt 23. februar 1649 Collingham i Nottinghamshire |
| Død |
1. oktober 1708 (59 år) |
| Instrument | |
| Periode | Barokken |
| Sjanger | Klavermusikk, vokalmusikk |
| Aktive år | 1670-1698 |
| Yrke | Komponist og organist |
John Blow (døypt 23. februar 1649 truleg i Collingham i Nottinghamshire, død 1. oktober 1708 i Westminster i London) var ein engelsk komponist og organist.
Som ung gut var John Blow songar i Chapel Royal der han utmerkte seg med sin musikktalent. Han fekk organistposten i Westminster Abbey i 1669 og trekte seg i 1680 tilbake til fordel for eleven sin Henry Purcell. I 1673 vart Blow Gentleman i Chapel Royal. September same år gifta han seg med Elizabeth Braddock som døydde i barsel ti år seinare.
I 1687 overtok han leiinga av koret i Saint Paul's Cathedral. Etter Purcell døydde i 1695 fekk han igjen organistposten i Westminster Abbey og i 1699 den nyoppretta posten som komponist ved Chapel Royal.
Det mest kjente verket til Blow er Venus og Adonis, det første dømet på ein ekte engelsk opera. Purcells Dido og Aeneas er sterkt påverka av dette verket. Blow skreiv stort sett kyrkjemusikk, 110 anthems og 14 services (ei musikkform brukt i liturgien i den anglikanske kyrkja). Elles skreiv Blow odar til forskjellige høve som til dømes nyårsdag eller Ceciliafesten.
Blow døydde i 1708 i heimen sin i Broad Sanctuary og er gravlagd i Nordapsida i Westminster Abbey.
Kjelder[endre | endre wikiteksten]
- Denne artikkelen bygger på «John Blow» frå Wikipedia på bokmål, den 30. april 2010.
Bakgrunnsstoff[endre | endre wikiteksten]
Wikimedia Commons har multimedia som gjeld: John Blow- Sceneverk (engelsk)
Notar[endre | endre wikiteksten]
- Fritt tilgjengelege notar av John Blow i Werner Icking Music Archive (WIMA)
- Fritt tilgjengelege notar av John Blow i Choral Public Domain Library (ChoralWiki)
|
