Jorma Koivulehto
| Jorma Koivulehto | |||
| Fødd | 12. oktober 1934 | ||
|---|---|---|---|
| Død | 23. august 2014 | ||
| Nasjonalitet | Finland | ||
| Yrke | filolog | ||
| Institusjonar | Helsingfors universitet | ||
Jorma Juhani Koivulehto (12. oktober 1934–23. august 2014) var ein finsk språkforskar som var professor i germansk filologi ved Helsingfors universitet. Det sentrale forskingstemaet for Koivulehto var lånord i finsk og samisk, og han høyrde til dei mest sentrale finske etymologane.[1]
Jorma Koivulehto forska på kontakten mellom på den eine sida finsk, samisk og andre uralske språk og på den andre sida indoeuropeiske språk. Koivulehto tok doktorgraden ved Helsingfors universitet i 1971 på germansk ordgeografi, men skifta snart til lånordsforsking. Han publiserte over hundre artiklar innafor dette temaet.
Koivulehto si forsking har endra synet på stratifiseringa av det finske og det samiske ordforrådet. Han viste at dei germanske lånorda i finsk og samisk var langt eldre enn det som tidlegare var det dominerande synet, og han viste at det i dei finsk-ugriske språka finst eit lag med iranske lånord. Han forska også på lånord frå baltisk, indoiransk og ur-indoeuropeisk. Forskinga hans har hatt innverknad på synet på den finske forhistoria. Koivulehto har også brukt laryngalteorien i arbeidet sitt, og vist at laryngalane Saussure la fram teorien om faktisk finst i visse finsk-ugriske lån.
Koivulehto var onkelen til redaktør av Ruijan Kaiku, Liisa Koivulehto.
Bibliografi (utval)[endre | endre wikiteksten]
- »Jäten« in deutschen Mundarten: Wortgeographisch-etymologische Untersuchungen. Diss. Helsinki, Suomalainen Tiedeakatemia 1971. Suomalaisen tiedeakatemian toimituksia, B 170.
- Uralische Evidenz für die Laryngaltheorie. Veröffentlichungen der Kommission für Linguistik und Kommunikationforschung. Nr. 24. Wien 1991.
- Verba mutuata: Quae vestigia antiquissimi cum Germanis aliisque Indo-Europaeis contactus in linguis Fennicis reliquerint. Toimittanut Klaas Ruppel. Suomalais-Ugrilaisen Seuran toimituksia, 237. Helsinki 1999. ISBN 952-5150-36-4
- Koivulehto, Jorma 2002: Contact with non-Germanic languages II: Relations to the East. – Oskar Bandle et al. (red.): The Nordic Languages. An International Handbook of the History of the North Germanic Languages, s. 583–594. Berlin – New York: Walter de Gruyter.
Kjelder[endre | endre wikiteksten]
Referansar[endre | endre wikiteksten]
- ↑ Saarikivi, Janne (2014). «Professori tutki Suomen sanojen alkuperää». Helsingin Sanomat (Helsingfors: Sanoma Media Finland Oy) 126 (270): B13. ISSN 0355-2047. Henta 8.10.2014.