Karbamidsyre

Strukturen til karbamidsyre

Modell av karbamidsyre

Karbamidsyre eller karbaminsyre er ei ustabil organisk syre som ikkje er kjend i fri tilstand, men som salt, esterar og andre derivat. Ho er halvamidet til karbonsyre og har kjemisk formel H₂NCOOH.

Derivat

Av salta er ammoniumsaltet (H₂NCOONH₄) mest kjent. Det vert danna av karbondioksid og ammoniakk og er eit mellomtrinn i ureasyntesen. Det er med i hjortetakksalt og vert nytta som gjødningsmiddel.

Esterane av karbamidsyre vert kalla uretan og ei rad av dei vert nytta medisinsk. Eit kjent lækjemiddel med uretanoppbygging er meprobamat. Polyuretan og uretanharpiksar er polymerar som har ei stor rolle i måling- og plastindustrien.

Kjelder

«karbamidsyre» i Store norske leksikon, snl.no. Henta 25. februar 2017.

Denne kjemiartikkelen er ei spire. Du kan hjelpe Nynorsk Wikipedia gjennom å utvide han.