Karen Grønn-Hagen

Karen Grønn-Hagen
Fødd	27. november 1903 Tynset kommune
Død	19. desember 1982 (79 år)
Statsborgar av	Noreg
Parti	Senterpartiet
Yrke	politikar
Barn	Per N. Hagen
Alle verv	stortingsrepresentant (1961–1965) Norsk barne-, familie-, likestillings- og inkluderingsminister (1963–1963) vararepresentant til Stortinget (1954–1957) stortingsrepresentant (1955–1958)

Karen Grønn-Hagen (27. november 1903–19. desember 1982), fødd i Tynset, var ein norsk politikar frå Senterpartiet og gardbrukar frå Tynset.

Ho var stortingsrepresentant for Hedmark 1955-57 og 1961-65. I den første perioden var ho vald som vararepresentant, men møtte som fast representant etter at Einar Frogner døydde 10. juli 1955. Ho var statsråd og sjef for Familie- og forbrukardepartementet (familie- og forbrukarminister) i John Lyng si regjering i 1963. Ho var den første kvinnelege stortingsrepresentanten for Senterpartiet, den første kvinnelege statsråden i ei borgarleg regjering, og den fjerde kvinnelege statsråden i Noreg.

Karen Grønn-Hagen hadde artium frå 1922 og husmorskule. Ho arbeidde som budeie, lærarvikar, husmor og som bonde frå 1929. Ho er mor til Senterparti-politikaren Per N. Hagen.

Bakgrunnsstoff

• «Karen Grønn-Hagen». Stortinget.no. 

• forskningsradet.no Arkivert 2007-09-28 ved Wayback Machine. Ingunn Norderval: Politisk-biografisk artikkel om Grønn-Hagen og tre andre kvinnelege statsrådar