Kirsti Paltto

Kirsti Paltto
Statsborgarskap	Finland
Fødd	11. februar 1947 (77 år) Utsjoki
Yrke	skribent
Språk	nordsamisk
Born	Rauna Kuokkanen

Kirsti Paltto (f. 1947 ) er ein finsk samisk forfattar frå Outakoski i Utsjok. Ho gjekk på Inarin kristillinen kansanopisto, den kristne folkehøgskolen i Enare i 1964-1965, og deretter på lærarseminarium i Raahe, der ho vart ferdigutdanna som lærar i 1971. Paltto arbeidde som lærar i fire år, og har etter det arbeidd som forfattar. Ho har publisert dikt, barnebøker, noveller og skodespel.

Viktige tema i Paltto sin produksjon er brytninga mellom det samiske samfunnet og det finske storsamfunnet, og overgangen frå tradisjonelt til moderne samfunn.

Fleire av Paltto sine noveller har vorte omsett til norsk, svensk, finsk, enaresamisk, italiensk, tysk, engelsk og ungarsk.

Bibliografi

• 1971: Soagŋu (noveller)
• 1973: Saamelaiset.
• 1981: Risten (noveller)
• 1987: Guhtoset dearvan min bohccot (roman)
• 1991: Guržo luottat (roman)
• 1992: Guovtteoaivvát nisu (noveller)
• 1992: 256 golláža (roman)
• 2001: Suoláduvvan (noveller). Nominert til Nordisk råds litteraturpris i 2002.
  • 2003: Stjålet
• 2007: Násttit muohtagierragis