Kjøpstad i Hyllestad
| Kjøpstad | |||
| stad | |||
| Land |  Noreg | ||
|---|---|---|---|
| Fylke | Sogn og Fjordane | ||
| Kommune | Hyllestad | ||
| Postnummer | 6958 SØRBØVÅG[1] | ||
| Gardnummer | 3[2][3] | ||
| Ferdselsårer | Kommunal veg til Fv65[4] | ||
Kjøpstad er ein matrikkelgard i Hyllestad kommune i Sogn og Fjordane fylke. Garden har matrikkelnummer 3.[2][3]
Geografi
[endre | endre wikiteksten]Kjøpstad ligg på sørsida av Skifjorden og grensar i nord og vest til fjorden og i aust til Våge.[3] Det går kommunal veg til Kjøpstadvika frå Fylkesveg 65 i Sogn og Fjordane.[4]
Historie
[endre | endre wikiteksten]I eldre tid låg Kjøpstad under Losnagodset og frå midten av 1600-talet til 1853 var han i eiga til embetsmannsslekter. Frå 1889 har brukarane vore sjølveigarar. Bortsett frå ein periode på 1600-talet har garden vore einbølt fram til kring 1900. Det har vore husmannsplassar på Båneset og i Kjøpstadvika. Bånes er nemnt som husmannsplass så tidleg som i 1620-åra og vart skilt ut som eige bruk i 1901 Frå 1959 har det vore fire bruk på garden.[3]
Bånes var dampskipstoppestad for Fylkesbaatane eit tiår framover frå 1913. Staden hadde ikkje kai, så folk og last vart rodd ut til rutebåtane.[5]
Namnet
[endre | endre wikiteksten]Namnet Kjøpstad tyder på at det har vore handelsstad på garden, men ein har ikkje kjelder eller funn som underbyggjer dette.[3] I kjeldene er namnet skrive «Kiepstadt» (1563), «Kiifstaid» (1567), «Kiøbstad» (1608), «Kiøbstae» (1667) og «Kiøbstad» (1723).[6]
Statens kartverk godkjende skrivemåten «Kjøpstad» i 2003 og avslo samtidig å godkjenne «Kiøpstad».[7]
Gardsnamnet vert også brukt som slektsnamn.
Stadnamnet Kjøpstad er kjend frå tre andre stader i landet, ei bygd i Gildeskål kommune, og gardar i Vestnes kommune og Sogndal kommune.
Sjå òg
[endre | endre wikiteksten]Kjelder
[endre | endre wikiteksten]- ↑ «Postnummerkart på nettstaden til Posten». Henta 20. november 2010.
- 1 2 «Gardsleksikon på nettstaden til Sogn og Fjordane Fylkesarkiv». Henta 20. november 2010.
- 1 2 3 4 5 Inger Kellmer (1990). «Kjøpstad : Gnr. 3». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 26. ISBN 8299219817.
- 1 2 «Nettstaden visveg.no (Statens vegvesen)». Henta 20. november 2010.
- ↑ Finn Borgen Førsund (1998). «Bånes». Dampen og kaia : stoppestader for Fylkesbaatane i Sogn og Fjordane 1858-1998. Førde: Selja Forlag. s. 68. ISBN 82-91722-04-8.
- ↑ «Oluf Rygh: «Kjøpstad» i Norske Gaardnavne på nettstaden til Sogn og Fjordane Fylkesarkiv».
- ↑ «yr.no». Vitja 20. november 2010
Vidare lesnad
[endre | endre wikiteksten]- Inger Kellmer (1990). «Kjøpstad : Gnr. 3». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 26-34. ISBN 8299219817.