Konstandinos Gatsioudis

Konstandinos Gatsioudis
Fødenamn	Κωνσταντίνος Γκατσιούδης
Statsborgarskap	Hellas
Fødd	17. desember 1973 (50 år) Didymótikho
Idrett	friidrett
Tok del i	Sommar-OL 2000, Sommar-OL 1996

Konstandinos Gatsioudis (fødd 17. desember 1973) er ein gresk tidlegare friidrettsutøvar frå Didymótikho som sikra seg medalje i spjutkasting i tre etterfylgjande verdsmeisterskap: 1997, 1999, 2001.

Aktiv

Gatsioudis sette personleg rekord med eit kast på 87,12 meter i kvalifiseringa til OL-finalen i Atlanta. Han klarte ikkje å fylgje opp og enda på 10. plass i finalen. Sommaren 1997 forbetra han sitt personbeste til 89,22 m. I VM 1997 kasta han 86,64 m og kneip bronsemedaljen. To år seinare slo han til med 89,18 m i fyrste finaleomgang under VM-finalen i Sevilla. Han leia tevlinga til finske Aki Parviainen i femte omgang kasta 89,52 m og vart verdsmeister. Gatsioudis fekk sølv, halvannen meter framom bronsevinnaren Jan Železný.

OL-sesongen 2000 presterte Gatsioudis livsbeste då han den 24. juni med 91,69 meter vann eit stemne i finske Kuortane, årbeste i verda. I OL-finalen i Sydney sleit han med eit vondt kne og måtte nøye seg med 86,53 m og sjetteplass. Sommaren 2001 viste Gatsioudis klasse i fleire stemne, med 91,27 m som lengst. Under verdsmeisterskapen i Edmonton kasta han 89,95 m og fekk bronsen, Parviainen tok sølvet og Železný vann gullet. I 2002 nådde Gatsioudis 91,23 m, men var så hemma av skade at han ikkje deltok i europameisterskapen.

Medaljar og plasseringar i internasjonale meisterskap

• VM 1993 i Stuttgart: Utslått i kvalifiseringa (76,70 m=nr 17)
• EM 1994 i Helsinki: Utslått i kvalifiseringa (78,56 m=nr 14)
• OL 1996 i Atlanta: Nr 10 – 81,46 m
• VM 1997 i Aten: Bronsemedalje – 86,64 m
• VM 1999 i Sevilla: Sølvmedalje – 89,18 m, bak Aki Parviainen (89,52 m)
• OL 2000 i Sydney: Nr 6 – 86,53 m
• VM 2001 i Edmonton: Bronsemedalje – 89,95 m

Kjelder

• Denne artikkelen bygger på «Konstandinos Gatsioudis» frå Wikipedia på tysk, den 18. juli 2021.