Konstantin II av Hellas

Konstantin II
Konge av Hellas (Tronpretendent)
Regjeringstid	6. mars 1964–1. juni 1973
Fødenamn	Konstantin
Fullt namn	Konstantin II
Fødd	2. juni 1940
Fødestad	Aten i Hellas
Mor	Frederike av Hellas
Far	Paul av Hellas
Ektefelle	Anne-Marie av Danmark
Barn	Alexia av Hellas og Danmark, Pavlos av Hellas, Nikolaos av Hellas og Danmark, Theodora av Hellas og Danmark, Philippos av Hellas og Danmark
Hus	Schleswig-Holstein-Sonderburg-Glücksburg
Far	Paul av Hellas
Mor	Frederike av Hellas
Medlem	Den internasjonale olympiske komitéen
Føregangar	Paul av Hellas

Den greske kongefamilien

Kong Konstantin II av Hellas Dronning Anne-Marie av Hellas Kronprins Pavlos av Hellas Kronprinsesse Marie-Chantal av Hellas Prinsesse Maria-Olympia av Hellas og Danmark Prins Konstantin Alexios av Hellas og Danmark Prins Achileas-Andreas av Hellas og Danmark Prins Odysseas-Kimon av Hellas og Danmark Prins Aristide Stavros av Hellas og Danmark Prinsesse Alexia av Hellas og Danmark Prins Nikolaos av Hellas og Danmark Prinsesse Tatiana av Hellas og Danmark Prinsesse Theodora av Hellas og Danmark Prins Philippos av Hellas og Danmark Den øvrige kongelege familien Dronning Sofía av Spania Prinsesse Irene av Hellas og Danmark Prins Michael av Hellas og Danmark Prinsgemalinne Marina Karella Prinsesse Alexandra, fru Mirzayantz Prinsesse Olga av Savoy-Aosta

Konstantin II GCRR, RE (gresk Κωνσταντίνος Β') (fødd 2. juni 1940 i Aten) er prins av Danmark, tronpretendent av Hellas og tidlegare hertug av Spártis og konge av Hellas frå 1964 til monarkiet vart avskaffa av den greske militærjuntaen 1. juni 1974.

Han var berre 24 år gammal då han vart konge, men hadde klåre politiske ambisjonar om å vere ein konge med makt og innverknad. Dette førte han opp i fleire konfliktar med dei folkevalde politikarane. Same år som han vart konge, gifta han seg med kusina si, den 18 år gamle prinsesse Anne-Marie av Danmark. Dei fekk etter kvart fem born. Våren 1967 gjorde ein militærjunta statskupp i Hellas, og avsette regjeringa. I desember same året gjorde kongen eit forsøk på motkupp, men dette mislukkast. Kuppforsøket var dårleg planlagt og hjelpelaust gjennomført. Kongefamilien flykta til Roma, og har sidan levt i eksil, det meste av tida i London.

Som ung vann kronprins Konstantin gull i drakebåtsegling under sommar-OL 1960. Han var òg ein god symjar og hadde svart belte i karate.

Kong Konstantin II vart i 1964 tildelt storkors med kjede av St. Olavs Orden. Han er òg riddar av Elefantordenen og er tildelt Dannebrogordenen.

Ekteskap og barn

I 1963 vart han offisielt trulova med prinsesse Anne-Marie av Danmark. Dei gifta seg 18. september 1964 i Aten, og Anne-Marie vart dronning av Hellas.

Dei har barna:

• Prinsesse Alexia av Hellas og Danmark (fødd 10. juli 1965)
• Kronprins Pavlos av Hellas (fødd 20. mai 1967)
• Prins Nikolaos av Hellas og Danmark [fødd 1. oktober 1969)
• Prinsesse Theodora av Hellas og Danmark (fødd 9. juni 1983)
• Prins Philippos av Hellas og Danmark (fødd 26. april 1986)

Olympiske medaljar

Sommar-OL 1960

Hellas

Gull i drakebåtsegling

Titlar, tiltaleformer, dekorasjonar og våpenskjold

Titlar og tiltaleformer

• 1940–1947: Høgvørde Prins Konstantin av Hellas og Danmark
• 1947–1963: Høgvørde Kronprins Konstantin av Hellas, prins av Danmark, hertug av Spártis
• 1963–1973: Hans Majestet Kongen av hellenarane, prins av Danmark
• 1973–i dag: Hans Majestet Kong Konstantin II av Hellas, prins av Danmark

I Hellas vert han omtala som den tidlegare kongen (ο τέως βασιλιάς) eller Glücksburg (o Γκλύξμπουργκ). Av greske royalistar vert han omtala som kongen (ο βασιλιάς). Han vert òg omtala som Kokós (Κοκός), ein kortform av namnet Konstantin, som har vorte brukt sida regjeringstida hans.

Av di han stammer frå kong Kristian IX av Danmark har han tittelen Prins av Danmark.

Kjelder

• Denne artikkelen er basert på ei omsetjing av artikkelen Constantine II of Greece frå Engelsk Wikipedia .