Kragetannvaktel

Frå Wikipedia – det frie oppslagsverket
Hopp til navigering Hopp til søk
Kragetannvaktel

Status i verda: EN Sterkt truga

Kragetannvaktel
Kragetannvaktel

Systematikk
Rike: Animalia
Rekkje: Chordata
Klasse: Aves
Orden: Galliformes
Familie: Odontophoridae
Slekt: Odontophorus
Art: O. strophium
Namn på andre språk
  • Engelsk: Gorgeted Wood-Quail
  • Vitskapleg namn
    Odontophorus strophium
    Gould, 1844

    Den sjeldne kragetannvaktelen, Odontophorus strophium, er ein liten bakkelevande fugl. Denne vesle medlemmen av tannvaktelfamilien lever i store eikeskogrestar i den austlege Cordillera, stort sett i avgrensa område innanfor søraustlege Santander, men òg i grenseområdet mot Boyacá, begge er departement i Colombia.

    Skildring[endre | endre wikiteksten]

    Kragetannvaktlar er som andre tannvaktlar skjerre fuglar, har korte venger, nakke og hale. Denne arten er 25,5 til 27 centimeter i kroppslengd og kan vege rundt 300 gram. Mykje av fjørdrakta gjev eit brunt inntrykk, men han har kraftige markeringar i svart-kvitt i andletet. Dette er einaste tannvaktelarten som har eit band i svart og kvitt rundt heile strupen. Undersida er generelt lysare enn oversida, brystet har diffuse lyse flekker. Kjønnsdimorfismen syner seg ved at hofuglen har mørkt grått i undersida og er meir spraglete i på hovudet. Hoa har og meir kvitt og mindre svart sentralt i strupeområdet, og har mindre tydelege flekker på halsen eller brystet.

    Det naturlege habitatet for denne tannvaktelen er høgtliggande, subtropiske og tempererte skogar, hovudsakleg av eik og laurbærtre. Fuglen har berre vore observert i høgder på 1600-2050 moh., men ein trur han har ei vertikal utbreiing mellom 1500 og 2500 moh. Arten er sannsynlegvis avhengig av å leve i opphavleg skog gjennom delar av livssyklusen sin, men han har òg blitt plassert ut i degraderte habitat og i sekundærskog.

    Føda for kragetannvaktlar er frukt, frø og leddyr. Fuglen sin hekkesesong ser ut til å falle saman med toppar i årleg nedbør mars-mai og september-november.

    Han var tidlegare klassifisert som kritisk truga av IUCN. Men ny forsking har vist at det å vere ikkje så sjeldan som tidlegare trudd, ca. 2000-4300 individ totalt. Følgjeleg blei statusen endra til truga (EN) i 2008,[1] jamvel om storleiken på populasjonen er trudd å vere minkande.

    Kjelder[endre | endre wikiteksten]

    Referansar
    1. DEVENISH, C., DÍAZ FERNÁNDEZ, D. F., CLAY, R. P., DAVIDSON, I. & YÉPEZ ZABALA, I. EDS. (2009) Important Bird Areas Americas - Priority sites for biodiversity conservation. Quito, Ecuador: BirdLife International (BirdLife Conservation Series No. 16).

    Bakgrunnsstoff[endre | endre wikiteksten]

    Commons-logo.svg Wikimedia Commons har multimedia som gjeld: Kragetannvaktel