Lakseroljeplante

Lakseroljeplante
Lakseroljeplante
Utbreiing
Utbreiinga av lakseroljeplante
Systematikk
Rike:	Planteriket Plantae
Orden:	Vierordenen Malpighiales
Familie:	Vortemjølkfamilien Euphorbiaceae
Underfamilie:	Acalyphoideae
Stamme:	Acalypheae
Understamme:	Ricininae
Slekt:	Ricinus
Art:	Lakseroljeplante R. communis
Vitskapleg namn
Ricinus communis L., 1753

Lakseroljeplante, oljeplante eller risinus (Ricinus communis) er ein fleirårig plante som mellom anna kan brukast til utvinning av ricinusolje eller lakserolje.^[1] Planta er det einaste medlem av slekta Ricinus og av undertribusen Ricininae i vortemjølkfamilien.

I tropane kan planten vekse til store tre på opp til 12 meter. Blada vert opp til ca. 60 cm i diameter. Blomsterstandene består av små hann- og hoblomster som vert avløyste av store piggete frukter med 3 frø i kvar.

Frøa frå denne planten er kjende som kastorbønner. Olje vunne ut frå desse har mange bruksområde, blant anna i sjampo og balsam. Det giftige proteinet ricin kan også utvinnast frå planta, men er ikkje feittløyseleg, og finst ikkje i farlege mengder i olja.

Dyrking[endre | endre wikiteksten]

I Noreg dyrkar ein som oftast planten som eittårig solitærplante, som kan verte ca. to meter høge på éin sesong. Lakseroljeplante kan òg dyrkast som fleirårig plante dersom han står frostfritt om vinteren.