Lars O. Skjulestad

Lars O. Skjulestad
Statsborgarskap	Noreg
Fødd	29. juli 1856 Austre Moland kommune
Død	24. februar 1927 (70 år)
Lars O. Skjulestad på Commons

Lars Olsen Skjulestad (29. juli 1856–24. februar 1927) var ein norsk gardbrukar, skipper og politikar frå Austre Moland. Han var stortingsmann for Høgre i periodane 1903-06 og 1919-27.

Skjulestad var son til ein gardbrukar. Han mønstra på som sjømann i 1872 og tok styrmannseksamen i 1876. Frå 1882 var han skipper i langfart fram til 1891. Ho slo seg då ned i heimbygda Austre Moland og tok over farsgarden Skjulestad.

Skjulestad sat i heradsstyret frå 1894 til 1927. Han var ordførar i Austre Moland 1902-04 og 1908-1922. Nær sagt jamsides representerte han partiet Høyre på Stortinget i fire valbolkar; 1903-06, 1919-21, 1922-24 og 1925-27. Skjulestad var 1903-06 medlem i Militærkomiteen, 1919-21 i Kyrkje- og skulekomiteen, 1922-24 sekretær i Lønningskomiteen og 1925-27 var han atter med i Kyrkje- og skulekomiteen. Skjulestad døydde tidleg i 1927-sesjonen.

Kjelder

• Stortingsbiografi Arkivert 2016-08-16 ved Wayback Machine.