Leif Erlend Johannessen
| Leif Erlend Johannessen | |
 | |
| Statsborgarskap | Noreg |
| Fødd | 14. mai 1980 (43 år) Oslo |
| Yrke | sjakkspelar, advokat |
| Leif Erlend Johannessen på Commons | |
Leif Erlend Johannessen (fødd 14. mai 1980) er ein norsk sjakkspelar.
Han vart utnemnd til internasjonal sjakkstormeister i 2002, som den femte norske med denne tittelen[1].
Han har dei siste åra blitt rangert som den tredje sterkaste sjakkspelaren i Noreg, etter Magnus Carlsen og Simen Agdestein.
Leif Erlend Johannessen klarte krava til stormeister-tittelen ved sterke resultat i turneringar i Oslo i januar 2002[2], på Bermuda også i januar 2002[3], og til slutt i Sigeman-turneringa i Malmö i juni 2002[4]. Desse sterke resulta gjorde at han også klarte å nå kravet om å oppnå eigen rating på minst 2500.
Han blei utnemnd til Internasjonal meister i sjakk i 1999 etter sterke resultat i Roskilde Open i juli 1998[5], Oslo Schakselskap si påsketurnering i mars-april 1999[6] og NM på Gausdal i juli 1999[7].
Leif Erlend Johannessen har deltatt 5 gongar på det norske landslaget i sjakk-OL (lag-VM i sjakk), i åra 2000, 2002, 2004, 2006 og 2008. I 2000 spelte han på 1. bord. Han har eit samla resultat på 16 sigrar, 22 remisar og 18 tap, 27,0 poeng på 56 parti, 48,2 %[8].
Leif Erlend Johannessen er medlem i Oslo Schakselskap. Han er jurist av utdanning.
Bakgrunnsstoff[endre | endre wikiteksten]
- Leif Erlend Johannessen sine beste parti på www.chessgames.com
- Leif Erlend Johannessen sine sjakkparti i Noreg hos NorBase
- Omtale av Leif Erlend Johannessen på stormeister Rune Djurhuus sine sjakksider Arkivert 2008-05-30 ved Wayback Machine.
- Leif Erlend Johannessen sin rating hos verdssjakkforbundet FIDE
Kjelder[endre | endre wikiteksten]
- Norsk sjakkblad nr 5, 1998
- Norsk sjakkblad nr 3, 1999
- Norsk sjakkblad nr 5, 1999
- Norsk sjakkblad nr 2, 2002
- Norsk sjakkblad nr 4, 2002
- Olimpbase, database over sjakk-olympiadar mv