Lionel Messi

Frå Wikipedia – det frie oppslagsverket
Hopp til navigering Hopp til søk
Lionel Messi
Messi vs Nigeria 2018.jpg
Personleg informasjon
Fullt namn Lionel Andrés Messi
Fødd 24. juni 1987 (32 år)
Fødestad Rosario
Høgd 169 cm
Posisjon Ving /spiss
Klubbinformasjon
Noverande lag
Barcelona
Nummer 10
Ungdomsklubbar
1995-2000
2000-04
Argentina Newell's Old Boys
Spania Barcelona
Seniorkarriere*
År Lag Kampar (Mål)
2004-05
2004-
Spania Barcelona B
Spania Barcelona
22 (6)
406 (369)
Landslag
2005- Argentina Argentina 123 (61)
* Seniorklubbkampar og mål berre telt for nasjonal liga og oppdatert 11. november 2017
‡ Landslagsmål oppdatert 11. november 2017

Lionel Andrés Messi (fødd 24. juni 1987 i Rosario i Santa Fe-provinsen) er ein argentinsk fotballspelar som spelar som angrepsspelar for Barcelona i spansk Primera Division, og på Argentina sitt landslag.

Messi begynte å spela fotball i ung alder, og talentet hans vart raskt oppdaga av Barcelona. Han forlet Rosario-klubben Newell's Old Boys sitt ungdomslag i 2000 og flytta til Europa med familien, då Barcelona tilbaud han behandling for veksthormonsjukdommen hans. Han debuterte for Barcelona i 2004/05-sesongen og sette ny rekord for yngste fotballspelar i ein spansk ligakamp, og dessutan yngstemann til å skåra ligamål. Han fekk gjennombrotet sitt i 2006/07-sesongen då han vart fast på førstelaget, skåra hat-trick i det klassiske oppgjeret mot Real Madrid og enda sesongen med 14 mål på 26 ligakampar. I 2008/09-sesongen skåra Messi 38 mål då Barcelona vann tre ulike meisterskap. Han har vore med på å vinna den spanske seriemeisterskapen med Barcelona i 2005, 2006, 2009, 2010, 2011 og 2013, den europeiske Meisterligaen i 2006, 2009 og 2011 og VM for klubblag i 2009 og 2011. Dei fem siste sesongane, frå 2009/10-sesongen av, har han vore klubben sin toppskårar i serien.

Messi var toppskårar i ungdomsverdsmeisterskapen i 2005, med seks mål. Ikkje lenge etterpå vart han eit fast innslag på Argentina sitt A-landslag. I 2006 vart han yngste argentinar som hadde spelt i VM i fotball. I 2008 var han med på å vinna fotballkonkurransen under sommar-OL i Beijing.

Han vart kåra til årets fotballspelar i verda av FIFA i 2009, 2010, 2011, 2012 og 2015.

Kjelder[endre | endre wikiteksten]