Livlege

Svensk hoffuniform for ein livlege (livmedikus) frå 1900-talet.

Livlege er ein personleg lege for ein høgtståande person, til dømes ein politikar, konge, president eller pave. Livlegen står ansvarleg for helsa til pasienten sin og må vera tilgjengelege døgnet rundt.

Ordet «livlege» er ei omsetjing av tysk Leibarzt, der «liv» har tydinga «person» (samanlikn livvakt - Leibwache og livrett - Leibgericht). I eldre tid kalla ein livlege ofte arkiatar, av gresk, ἀρχιατρός, «førstelege». Det finst òg livkirurgar.

Livlegar er kjent frå antikken og opp gjennom mellomalderen. I Danmark kom dei første frå midten av 1400-talet. Livlegen til den danske kongen var gjerne innkalla frå utlandet. På grunn av stillinga si i nærleiken til fyrsten kom livlegen ofte til å spela ei viktig rolle òg politisk. Eit døme frå historia til Danmark-Noreg er Struensee.

Berømte livlegar

• Galenos (129–216), livlege for keisar Marcus Aurelius
• Jean-Nicolas Corvisart (1755–1821), livlege for Napoleon
• Theo Morell (1886–1948), livlege for Adolf Hitler

Sjå òg

• Lege
• Huslege
• Livvakt

Kjelder

• Denne artikkelen bygger på «Livlege» frå Wikipedia på bokmål, den 5. september 2016.
  • Wikipedia på bokmål oppgav desse kjeldene:
    • Salmonsens konversationsleksikon, 2. utg., bind XV, s. 929. København: J. H. Schultz, 1923.

Referansar