Livny

Livny; Ливны
	Horisonten til Livny
Flagget til Livny	Byvåpenet til Livny
Plassering
Styresmakter
Land	Russland
Føderasjonssubjekt	Orjol oblast
Først nemnd i; Bystatus	1177; 1586
Geografi
Flatevidd; - By	; 32,6 km²
Innbyggjarar ; - Totalt (2007); - folketettleik	; 51 300 ; 1 573,6 /km²
Koordinatar	52°25′00″N 37°36′00″E / 52.41667°N 37.60000°E
Høgd over havet	150 moh.
Tidssone; - Ved sommartid	MSK (UTC+3); MSD (UTC+4)
Diverse annan informasjon
Postnummer	30385x
Retningsnummer (tlf)	(+7)48677

Livny (russisk Ливны) er ein by i Orjol oblast i Russland med om lag 50 000 innbyggjarar. Han ligg ved elva Sosna, ei sideelv til Don, rundt 120 km søraust for Orjol.

Historie

Byen vart første gong nemnd på 1100-talet. I 1556 vart det bygd eit trefort kalla Ust-Livny ved bredda av elva Livenka,. Festninga var viktig for forsvaret av Storfyrstedømet Moskva i sør mot åtak frå krimtatarar opp langs Muravskij-ruta.

Tredve år seinare sendte Ivan den skrekkelege fyrst Masalskij for å bygge byen Livny under ein garnison stasjonert ved fortet. Byen vart plyndret og brent av tatarane fleire gonger. I 1606 gjekk innbyggjarane i Livny til opprør mot Boris Godunov og drap guvernøren hans og erklærte støtta si til Falske Dmitrij I. To år seinare valde Ivan Bolotnikov byen som base for sine militære felttog mot Vasilij IV.

I 1618 vart byen brend av Petro Konasjevytsj sine kosakkar. Krimtatarane gjekk til åtak på byen att i 1661 og brente han ned til grunnen. Så snart tataråtaka gav seg, starta ein velstandsperiode for byen. På 1800-talet var Livny ein stor rival for Jelets som det viktigaste handelssentrumet i området.