Llyn Eigiau

Frå Wikipedia – det frie oppslagsverket
Hopp til navigering Hopp til søk
Llyn Eigiau
innsjø
Llyn Eigiau view.jpg
frå toppen av Clogwynyreryr
Land Flag of the United Kingdom.svg Storbritannia
Tilsig Afon Eigiau
Utløp Afon Porth-llwyd
Areal 0,049 km²
Største djupn 10 m
Koordinatar 53°10′8″N 3°54′57″WKoordinatar: 53°10′8″N 3°54′57″W
Wikimedia Commons: Llyn Eigiau
Holet i dammen, der vatnet strøymde ut.
Ei nytt hol vart laga med vilje for å hindre ein ny katastrofe.

Llyn Eigiau er ein innsjø i enden av Carneddau-fjella i Snowdonia i Nord-Wales. Namnet Eigiau trur ein kjem frå fiskestimar som ein gong fanst her.

I 1911 vart ein kilometer lang demning og var 11 meter høg på austsida av innsjøen. Reservoaret skulle gje vatn til kraftstasjonen i Dolgarrog, som gav kraft til aluminiumsverket som låg like ved. Då demninga vart bygd trekte den opphavlege entreprenøren seg ut av prosjektet, og hevda at ein tok snarvegar i bygginga. Den 2. november 1925, etter at det hadde kome over 600 mm nedbør på berre fem dagar, braut demninga saman. Vatnet rann ned til Coedty-reservoaret, og fekk denne demninga til å breste òg. Ei stor flodbølgje strøymde nedover mot landsbyen Dolgarrog, og 17 menneske mista livet. Ein ny kraftstasjon vart bygd ved Dolgarrog i 1925.

I dag dekkjer innsjøen om lag 49 hektar, og har ei djupne på kring 10 meter. Med demninga intakt ville innsjøen ha vore dobbelt så stor. Vatnet vert i dag ført inn i ein tunnel frå elva nedanfor Llyn Dulyn til innsjøen og ein annan tunnel tar vatnet vidare frå Llyn Eigiau til Llyn Cowlyd.

Den største elva som renn ut i Llyn Eigiau er Afon Eigiau, ei lita elv som renn ned frå Cwm Eigiau.

Utsiget frå Llyn Eigiau heiter Afon Porth-llwyd og renn via Coedty-reservoaret under Pont Newydd i Dolgarrog, før ho munnar ut i River Conwy.

Kjelder[endre | endre wikiteksten]

  • Denne artikkelen bygger på «Llyn Eigiau» frå Wikipedia på engelsk, den 22. desember 2010.
    • Wikipedia på engelsk oppgav desse kjeldene:
    • The lakes of North Wales by Jonah Jones, Whittet Books Ltd, 1987
    • The Lakes of Eryri by Geraint Roberts, Gwasg Carreg Gwalch, 1985