Lussand

Frå Wikipedia – det frie oppslagsverket
Hopp til navigering Hopp til søk
Lussand
stad
Land Flag of Norway.svg Noreg
Fylke Hordaland
Kommune Granvin
Postnummer 5736 GRANVIN
Gardnummer 132

Lussand er ein matrikkelgard (gardnummer 132) i Granvin herad.[1] Lussand er ytste garden i Granvin og grensar til Kjepso i Kvam herad i vest, til Beggevik i aust, og i fjellet grensar garden til Voss.[2]

Fram til 1964 høyrde Lussand til Kinsarvik herad.[2] Då vart den delen av Kinsarvik herad og sokn som låg på vestsida av Hardangerfjorden (Lussand–Kvanndal) overført til Granvin. I Kinsarvik hadde Lussand gardnummer 117.[2]

Fylkesveg 7 går over garden, og like austom innmarka og tuna ligg Lussandberget, der vegen er svingete og ekstra smal med steile berget på eine sida og lukt i fjorden på hi. Vegstrekka er rasutsett, og det skal byggjast tunell der.[3][4] Dagens vegstrekke er del av Nasjonale turistveger, og det er i den samanheng bygd rasteplass/utsiktspunkt like vestom busetnaden på Lussand.[5][6]

På oppsida av vegen mellom Kjepso og Lussand ligg eit skogområde på Uranes som er verna som naturreservat.[7] Uranes naturreservat er oppretta for å verne eit større edellauvskogsområde med stor økologisk variasjon.[8]

Namnet[endre | endre wikiteksten]

Fyrstelekken av namnet er ikkje sikkert tolka.[2][9]

Gardsnamnet vert også brukt som etternamn. I 2013 var det 44 personar i Noreg som hadde Lussand til etternamn.[10] Ein kjend namneberar er politikaren Magnar Lussand, som var fylkesordførar i Hordaland frå 1991 til 1999.

Referansar[endre | endre wikiteksten]

  1. Olav Kolltveit (1986). «Lussand (Gnr. 132)». Granvin, Ulvik og Eidfjord i gamal og ny tid : med ættebokdel for gardane Beggevik, Kvanndal, Lussand og Naustvik. 3 : Bygdebok for Granvin med ættebokdel for gardane Beggevik, Kvanndal, Lussand og Naustvik. Odda: Bygdeboknemnda for Granvin, Ulvik og Eidfjord. s. 36. 
  2. 2,0 2,1 2,2 2,3 Olav Kolltveit (1974). «117. Lussand». Odda, Ullensvang og Kinsarvik i gamal og ny tid. 5 2 : Bygdesoga. Odda: Bygdeboknemnda for Odda, Ullensvang og Kinsarvik. s. 17. 
  3. ««Fv. 7 Lussandberget : Reguleringsplan»». Nettstaden til Statens vegvesen. 
  4. «Statens vegvesen: Fv 7 Lussandberget, Granvin herad Konsekvensutgreiing». 
  5. ««Nasjonal turistveg Hardanger / Utførte anlegg»». Nettstaden til Statens vegvesen. 
  6. ««Turistveg Hardanger: Rasteplass Lussand»». Nettstaden til Norske landskapsarkitekters forening. 
  7. ««Forskrift om vern for Uranes naturreservat i Granvin og Kvam kommuner, Hordaland fylke.»». lovdata.no. 
  8. ««Uranes»». Miljødirektoratet. 
  9. Stemshaug, Ola og Sandnes, Jørn, red. (1997). «Lussand». Norsk stadnamnleksikon (4, 2. opplag 2005 utg.). Oslo: Det Norske Samlaget. s. 297. ISBN 978-82-521-4905-7 Sjekk |isbn=-verdien: checksum (hjelp). 
  10. «Namnesøk». Nettstaden til SSB. Henta 9. november 2013. 

Bakgrunnsstoff[endre | endre wikiteksten]

Compass rose pale.svg Rong på Voss Compass rose pale.svg
Kjepso N Beggevik
V Lussand A
S
Indre Samlafjorden
Lote