Manduca

Manduca
Systematikk
Rike:	Dyr Animalia
Rekkje:	Leddyr Arthropoda
Underrekkje:	Seksfotingar Hexapoda
Klasse:	Insekt Insecta
Orden:	Sommarfuglar Lepidoptera
Familie:	Sphingidae
Stamme:	Sphingini
Slekt:	Manduca

Manduca er ei slekt av sommarfuglar som tilhøyrer familien svermarar (Sphingidae). Dei rundt 70 artene lever i den nye verda. Desse er store, grå eller brune svermarar.

Larva til tobakksvermaren

Utsjånad

Middelsstore til særs store (vengespenn 80 – 180 mm), grå eller brune svermere. Kroppen er spoleforma og vingane forholdsvis smale. Hovudet er stort og breitt, og sugesnabelen velutvikla og lang. Bakkroppen har ofte gule sideflekker. Forvingane er brun- eller gråaktige med varierande teikningar, bakvingane er vanlegvis mørke med lysare tverrband. Larvane er vanlegvis grøne med lyse skråstriper på sidene. I alle fall dei fremste kroppledda er knudrete eller dekt med små piggar på ryggsida, nokon gonger er heile larven kledd med piggar. Puppane har oftast ein meir eller mindre lang, fri, sugesnabel-slire som står ut frå kroppen.

Levevis

Larvane kan leva på ei lang rekkje ulike planter, òg innan ei art kan det vera store variasjonar. Hyppig brukte familiar er søtvierfamilien (Solanaceae), Verbenaceae, Bignoniaceae og Boraginaceae. Nokon arter kan gjera skade i jordbruket, særleg på planter i søtvierfamilien slik som potet, tomat, tobakk, aubergine, chilipeppar og paprika.

Manduca brasiliensis

Utbreiing

Slekta Manduca kan finnast over det meste av dei amerikanske kontinenta bortsedd frå lengst i nord og lengst i sør. Flest arter finst i dei tropiske områda. Nokon artar kan vandra ein heil del og kan dermed dukka langt opp nord for det eigenlege utbreiingsområdet.

Kjelder

• Denne artikkelen bygger på «Manduca» frå Wikipedia på bokmål, den 2. november 2018.