Marian Drăgulescu

Marian Drăgulescu
Statsborgarskap	Romania
Fødd	18. desember 1980 (44 år) București
Idrett	turn
Tok del i	Turn under Sommer-OL 2004 – Frittstående menn, Turn under Sommer-OL 2004 – Hopp menn, Turn under Sommar-OL 2016, gymnastics at the 2000 Summer Olympics – men's artistic individual all-around, gymnastics at the 2000 Summer Olympics – men's artistic team all-around, gymnastics at the 2000 Summer Olympics – men's floor, Turn under Sommer-OL 2004 – Mangekamp menn, Turn under Sommer-OL 2004 – Mangekamp lagkonkurranse menn, Turn under Sommer-OL 2008 – Mangekamp lagkonkurranse menn, Turn under Sommer-OL 2008 – Frittstående menn, Turn under Sommer-OL 2008 – Hopp menn, Turn under Sommer-OL 2016 – Hopp menn

Marian Drăgulescu (fødd 18. desember 1980) er ein rumensk tidlegare turnar frå Bucuresti. Han deltok på øvste internasjonale nivå frå 1999 til 2019 og vann til saman åtte gullmedaljar i verdsmeisterskap og ti gullmedaljar i europameisterskap. Han var spesialist i øvingane hopp og frittståande. Eit element i hopp-øvinga er kalla opp etter han, ettersom han var den fyrste som brukte det i ei internasjonal tevling.

Aktiv

Drăgulescu tok steget opp i verdseliten med ein fjerdeplass i hopp ved Turn-VM 1999. Året etter vann han frittståande i EM i Bremen. I 2001 vann han gullmedalje i hopp i og frittståande ved verdsmisterskapen i Gent. År 2002 sigra han i hopp både i EM og i VM, dessutan bidrog han mykje til at Romania gjekk til topps i lagkampen i EM i greske Patras. I 2003 enda han som best på sølvplassen ved VM i Anaheim. Under EM 2004 i Ljubljana triumferte han både i mangekamp, frittståande og hopp, samt i lagkampen for Romania. Få månader seinare sanka han tre olympiske medaljar då Sommar-OL 2004 vart avvikla i Aten; sølv i frittståande og bronse i hopp og i lagkamp.

I 2005 vart Drăgulescu europameister i frittståande og verdsmeister i hopp. Eitt år seinare vann han gull i hopp både ved EM i Volos og i VM i Århus, i Århus vann han også frittståande. Ein skade gjorde at han ikkje deltok i verdsmeisterskapen 2007. Under Sommar-OL 2008 imponerte han i kvalifiseringa, men mislukkast i finalane og enda opp med ein fjerdeplass i hopp som fremste prestasjon. Året etter stilte han opp i Turn-VM 2009 i London og vann på ny gullmedaljar i frittståande og hopp.

Etter nokre år utan medalje kom Drăgulescu tilbake og sikra seg ein sølvmedalje i hopp ved Turn-VM 2015 i Glasgow. I Turn-EM 2016 i Bern vart han andremann i begge spesialøvingane. Sidan enda han på fjerdeplass i hopp-øvinga både under Sommar-OL 2016, Turn-VM 2017 og Turn-VM 2019. Inn i mellom desse plasseringane vart han i 2017 europameister i hopp.

Kjelder

• Denne artikkelen bygger på «Marian Drăgulescu» frå Wikipedia på engelsk, den 31. desember 2023.
• «Marian Drăgulescu» (på engelsk). Olympedia.org. Henta 17. april 2024.